失約的公路車站
《失約的公路車站》Sit-iok ê Kong-lōo Tshia-tsām
郭金發Kueh Kim-huat
——————————————
無情的車螺
bô-tsîng ê tshia-lê
催阮欲起行
tshui gún beh khí-kiânn
人群中揣來揣去
jîn-kûn tiong tshē lâi tshē khì
揣無你形影
tshē-bô lí hîng-iánn
枉費阮千言萬語
óng-huì gún tshian-giân bān-gí
誠懇的心情
sîng-khún ê sim-tsiânn
欲講予你聽
beh kóng hōo lí thiann
啊~空叫你的名
ah~ khang kiò lí ê miâ
朦朧的燈光
bông-lông ê ting-kng
漸漸消失去
tsiām-tsiām siau-sit–khì
只有我坐在車內
tsí-ū guá tsē tsāi tshia-lāi
暗暗心傷悲
àm-àm sim siong-pi
彼時陣約束今暝
hit sî-tsūn iok-sok kim-mî
就欲來分離
tsiū beh lâi hun-lî
最後欲相見
tsuè-āu beh sio-kìnn
啊~怎樣放袂記
ah~ tsuánn-iūnn pàng-buē-kì
金金來看著
kim-kim lâi khuànn tio̍h
消失的街巷
siau-sit ê kue-hāng
心愛的你
sim-ài ê lí
怎樣予我來失望
tsuánn-iūnn hōo guá lâi sit-bōng
若想起咱欲見面
nā siūnn-khí lán beh kìnn-bīn
毋知等幾冬
m̄-tsai tán kuí tang
不覺目箍紅
put-kak ba̍k-khoo âng
啊~從今分西東
ah~ tsiông-kim hun se-tang
