可憐的小姑娘
https://www.youtube.com/watch?v=qkdbMDCAVEA&fbclid=IwAR3HT3-bafxdy32ro-wetmYa-yRMdcZoOM-uMme2C1NxNPFpbeXXi1m-IXU
《可憐的小姑娘》Khó-liân ê Sió-koo-niû
郭金發 Kueh Kim-huat
——————————————
彼暝踮在柳街巷
hit-mî tiàm-tsāi liú-kue-hāng
搪著彼个小姑娘
tn̄g-tio̍h hit-ê sió-koo-niû
一時叫阮暗驚疑
tsi̍t-sî kiò gún àm kiann-gî
又來動阮心憂愁
iū lâi tōng gún sim iu-tshiû
到底伊
tàu-tué i
為怎樣
uī tsuánn-iūnn
會來變成這个模樣
ē lâi piàn-sîng tsit-ê bôo-iūnn
毋知啥人
m̄-tsai siánn-lâng
耽誤伊的寶貴青春
tam-gōo i ê pó-kuì tshing-tshun
閣縛著伊的自由
koh pa̍k tio̍h i ê tsū-iû
早前雙人猶細漢
tsá-tsîng siang-lâng iáu suè-hàn
每日做陣心歡喜
muí-ji̍t tsuè-tīn sim huann-hí
伊有一對烏目睭
i ū tsi̍t-tuì oo ba̍k-tsiu
時常對人真嬌媚
sî-siông tuì lâng tsin kiau-bī
到底伊
tàu-tué i
為怎樣
uī tsuánn-iūnn
會來墜落這个火坑
ē lâi tuī-lo̍h tsit ê hué-khinn
現在想起
hiān-tsāi siūnn-khí
引阮生出憐惜的心
ín gún sinn tshut lîn-sioh ê sim
珠淚滴落出目墘
tsu-luī tih–lo̍h tshut ba̍k-kînn
今夜又來柳街巷
kim-iā iū lâi liú-kue-hāng
想欲佮伊再見面
siūnn-beh kah i tsài kìnn-bīn
因何一時揣無伊
in-hô tsi̍t-sî tshē bô i
又來引阮像失神
iū lâi ín gún tshiūnn sit-sîn
到底伊
tàu-tué i
為怎樣
uī tsuánn-iūnn
會來驚阮佮伊做陣
ē lâi kiann gún kah i tsuè-tīn
明知男性
bîng-tsai lâm-sìng
對伊抱著美麗希望
tuì i phō tio̍h bí-lē hi-bāng
甘願來予人看輕
kam-guān lâi hōo-lâng khuànn-khin