一寸相思一滴淚

《一寸相思一滴淚》Tsi̍t-tshùn Siunn-si Tsi̍t-tih Luī
郭金發Kueh Kim-huat
——————————————
假情愛用目屎
ké tsîng-ài īng ba̍k-sái
予我深深咧痴獃
hōo guá tshim-tshim teh tshi-gâi
堂堂的男子漢
tông-tông ê lâm-tsú-hàn
純情心被你所害
sûn-tsîng sim pī lí sóo hāi
愛你恨你又想你
ài lí hūn lí iū siūnn lí
事到如今分袂清
sū kàu jû-kim hun buē tshing
傷心珠淚
siong-sim tsu-luī
點點滴胸前
tiám-tiám tih hing-tsîng
怨恨你
uàn-hūn lí
可愛的人
khó-ài ê lâng
遮殘忍破壞春夢
tsiah tsân-jím phò-huāi tshun-bāng
已經是無望了
í-king sī bô-bāng–liáu
何必對伊再留戀
hô-pit tuì i tsài liû-luân
堂堂的男子漢
tông-tông ê lâm-tsú-hàn
純情心被你戲弄
sûn-tsîng sim pī lí hì-lāng
愛你恨你又想你
ài lí hūn lí iū siūnn lí
事到如今分袂明
sū kàu jû-kim hun buē bîng
苦酒一杯
khóo-tsiú tsi̍t-pue
傷心再一杯
siong-sim tsài tsi̍t-pue
思慕你
su-bōo lí
可恨的人
khó-hūn ê lâng
遮殘忍破壞春夢
tsiah tsân-jím phò-huāi tshun-bāng
再會啦無情人
tsài-huē–lah bô-tsîng lâng
我也甘願受苦戀
guá iā kam-guān siū khóo-luân
堂堂的男子漢
tông-tông ê lâm-tsú-hàn
純情心藏在心內
sûn-tsîng sim tshàng tsāi sim-lāi
愛你恨你又想你
ài lí hūn lí iū siūnn lí
事到如今分袂清
sū kàu jû-kim hun buē tshing
看破世情
khuànn-phuà sè-tsîng
流浪向前程
liû-lōng hiòng tsiân-tîng
難忘的
lân-bōng ê
無情的人
bô-tsîng ê lâng
遮殘忍破壞春夢
tsiah tsân-jím phò-huāi tshun-bāng

您可能也會喜歡…

跳至工具列