重逢的港口
https://www.youtube.com/watch?v=zaJFhaZonG4&fbclid=IwAR3YMvfKwBKp7cEfYte5EBviDDBRFMmZLX9CJ1Xj5arZ00VGJmgu1U9PRsQ
《重逢的港口》Tiông-hông ê Káng-kháu
郭大誠Kueh Tāi-sîng
尤美Iû Bí
——————————————
↓↓—(口白)—↓↓
經過一年囉
king-kuè tsi̍t-nî–looh
喔~前面就是
ooh~ tsîng-bīn tsiū-sī
難分難離的港口
lân hun lân lî ê káng-kháu
想著最後的出帆
siūnn-tio̍h tsuè-āu ê tshut-phâng
你的目屎
lí ê ba̍k-sái
你的交代
lí ê kau-tài
我今仔日
guá kin-á-ji̍t
為國爭取著光榮
uī kok tsing-tshú tio̍h kong-îng
平安倒轉來
pîng-an tò-tńg–lâi
心愛
sim-ài
你有歡喜無
lí ū huann-hí bô
啊!看著矣
ah! khuànn-tio̍h–ah
心愛
sim-ài
↑↑—(口白)—↑↑
船船船囉
tsûn, tsûn, tsûn–looh
有看見啦
ū khuànn-kìnn–lah(看見,合音做khuàinn)
船頂有徛我彼个愛人
tsûn-tíng ū khiā guá hit ê ài-jîn
喔~我叫你
ooh~ guá kiò lí
喔~我叫你
ooh~ guá kiò lí
歡喜見愛人
huann-hí kìnn ài-jîn
毋驚海水波浪偌大
m̄-kiann hái-tsuí pho-lōng guā tuā
也是拚倚去
iā-sī piànn uá–khì
每日期待
muí-ji̍t kî-thāi
傷心情淚
siong-sim tsîng-luī
已經消失去
í-king siau-sit–khì
重逢可比
tiông-hông khó-pí
快樂的過年
khuài-lo̍k ê kè-nî
等你有一年
tán lí ū tsi̍t-nî
欸~等你有一年
eh~ tán lí ū tsi̍t-nî
船船船囉欲入港
tsûn, tsûn, tsûn–looh beh ji̍p-káng
前面有看我彼个愛人
tsîng-bīn ū khuànn guá hit ê ài-jîn
喔~我叫你
ooh~ guá kiò lí
喔~我叫你
ooh~ guá kiò lí
歡喜見著你
huann-hí kìnn-tio̍h lí
毋驚海底偌大偌深
m̄-kiann hái-té guā tuā guā tshim
也是跳落去
iā-sī thiàu–lo̍h-khì
每日思念心愛哥哥
muí-ji̍t su-liām sim-ài ko–koh
已經有一年
í-king ū tsi̍t-nî
重逢毋知是喜也是悲
tiông-hông m̄-tsai sī hí iā-sī pi
思念你一年
su-liām lí tsi̍t-nî
欸~思念你一年
eh~ su-liām lí tsi̍t-nî
船船船囉欲入港
tsûn, tsûn, tsûn–looh beh ji̍p-káng
雙手抱著我彼个愛人
siang-tshiú phō tio̍h guá hit ê ài-jîn
喔~我叫你
ooh~ guá kiò lí
喔~我叫你
ooh~ guá kiò lí
歡喜在海邊
huann-hí tsāi hái-pinn
毋驚海風波浪
m̄-kiann hái-hong pho-lōng
瘋狂也是Kiss你
hong-kông iā-sī Kiss lí
親愛哥哥我的心肝
tshin-ài ko–koh guá ê sim-kuann
快樂的海邊
khuài-lo̍k ê hái-pinn
重逢是咱結婚的日子
tiông-hông sī lán kiat-hun ê ji̍t-tsí
予阮心歡喜
hōo gún sim huann-hí
欸~予阮心歡喜
eh~ hōo gún sim huann-hí
