結婚三年後
https://www.youtube.com/watch?v=Bw_5od6v1M8&fbclid=IwAR3aGWtPD1Fi0jcYtr5Ni7CeiseBwsMpyY2B-E7t8HW16siPNmy5_lp8js0
《結婚三年後》Kiat-hun Sann-nî Āu
郭大誠Kueh Tāi-sîng
——————————————
佮伊來結婚
kah i lâi kiat-hun
已經三年後
í-king sann-nî āu
想起阮運命
siūnn-khí gún ūn-miā
傷心目屎流
siong-sim ba̍k-sái lâu
↓↓(口白)—(口白)—(口白)↓↓
想起著三年前
siūnn-khí tio̍h sann-nî tsîng
你欲嫁我的時候
lí beh kè guá ê sî-hāu
你的阿媽覕在轎後佇咧哭
lí ê a-má bih tsāi kiō-āu tī-leh khàu
哭講你自細漢攏毋捌離開恁兜
khàu kóng lí tsū sè-hàn lóng m̄-bat lī-khui lín tau
你的阿媽那哭那拭鼻
lí ê a-má ná khàu ná tshit phīnn
吩咐三吩咐四
huan-hù sann huan-hù sì
吩咐你著愛好好做我的妻兒
huan-hù lí tio̍h-ài hó-hó tsò guá ê tshe-jî
當時的你也哭甲真艱苦
tong-sî ê lí iā khàu kah tsin kan-khóo
手巾拭甲澹糊糊
tshiū-kin tshit kah tâm-kôo-kôo
講你決定好好欲做我的某
kóng lí kuat-tīng hó-hó beh tsò guá ê bóo
想袂到想袂到
siūnn buē kàu siūnn buē kàu
結婚三年後
kiat-hun sann-nî āu
你規日勼佇咧眠床頭
lí kui-ji̍t kiu tī-leh bîn-tshn̂g-thâu
也毋共我煮早起
iā m̄-kā guá tsú tsá-khí
也毋共我煮下晝
iā m̄-kā guá tsú ē-tàu
害我氣甲挵破鼎閣挵破灶
hāi guá khì kah lòng-phuà tiánn koh lòng-phuà tsàu
也毋管我苦苦的要求
iā m̄-kuán guá khóo-khóo ê iau-kiû
睏起來就共我烏白搝
khùn–khí-lâi tsiū kā guá oo-pe̍h giú
搝甲我的一寡頭毛直溜溜
giú kah guá ê tsi̍t-kuá thâu-moo ti̍t-liu-liu
害我疼甲大聲細聲咻
hāi guá thiànn kah tuā-siann suè-siann hiu
啊~我哪會遮爾無目睭
ah~ guá ná ē tsiah-nī bô ba̍k-tsiu
↑↑(口白)—(口白)—(口白)↑↑
你來變個性
lí lâi piàn kò-sìng
予我心頭凝
hōo guá sim-thâu gîng
想起咱愛情
siūnn-khí lán ài-tsîng
怎樣遮僥倖
tsuánn-iūnn tsiah hiau-hīng
↓↓(口白)—(口白)—(口白)↓↓
如今的你
jû-kim ê lí
每日坐在電視機前
muí-ji̍t tsē tsāi tiān-sī-ki tsîng
食鹹酸甜佇咧修行
tsia̍h kiâm-sng-tinn tī-leh siu-hīng
我講欲聽歌就來聽
guá kóng beh thiann-kua tō lâi thiann
白嘉莉佮崔臺菁
Bái Jiālì kah Cuī Táiqīng
你偏偏欲聽
lí phian-phian beh thiann
葉啟田佮郭大誠
Ia̍p Khé-tiân kah Keh Tāi-sîng
電視一看就是一整天
diànshì yī kàn jiùshì yizhěngtiān
致使你目睭近視
tì-sú lí ba̍k-tsiu kīn-sī
險險仔來失明
hiám-hiám-á lâi sit-bîng
實在有夠可憐
si̍t-tsāi ū-kàu khó-liân
食飯你飯粒扒去到鼻空頂
tsia̍h-pn̄g lí pn̄g-lia̍p pe khì kàu phīnn-khang tíng
行路你行去佮電火柱相舂
kiânn-lōo lí kiânn khì kah tiān-hué-thiāu sio-tsing
我講你著趕緊去看醫生啊
guá kóng lí tio̍h kuánn-kín khì khuànn i-sing–ah
你偏偏欲走去踅西門町
lí phian-phian beh tsáu-khì se̍h Se-mn̂g-ting
我罵你一句太太你實在真了然
guá mā lí tsi̍t-kù thài-thài lí si̍t-tsāi tsin liáu-jiân
你就大个細个共我舂
lí tsiū tuā-ê sè-ê kā guá tsing
舂甲我的兩爿喙䫌
tsing kah guá ê nn̄g-pîng tshuì-phé
親像生檨仔佮生柳丁
tshin-tshiūnn sinn suāinn-á kah sinn liú-ting
啊~我哪會遮爾僥倖
ah~ guá ná ē tsiah-nī hiau-hīng
↑↑(口白)—(口白)—(口白)↑↑
一夜的夫妻也有百世恩
it-iā ê hu-tshe iā ū pik-sè un
因何你對阮遮爾無分寸
in-hô lí tuì gún tsiah-nī bô hun-tshùn
↓↓(口白)—(口白)—(口白)↓↓
我為著欲知影你因何會遮了然
guá uī-tio̍h beh tsai-iánn lí in-hô ē tsiah liáu-jiân
我自按呢走去問神明
guá tsū-án-ne tsáu-khì mn̄g sîn-bîng
神明才共我來指明
sîn-bîng tsiah kā guá lâi tsí-bîng
講你是大肚後生囝前
kóng lí sī tuā-tōo āu sinn-kiánn tsîng
人較會?
lâng khah ē siān
性地也較會變
sìng-tē iā khah ē piàn
叫我著盡量予你來清閒
kiò guá to̍h tsīn-liōng hōo lí lâi tshing-îng
叫咱夫妻著愛相尊敬
kiò lán hu-tshe tio̍h-ài sio tsun-kìng
家和才會萬事成
ka hô tsiah ē bān-sū sîng
好啦今後的我
hó–lah kim-āu ê guá
是非已經分明
sī-hui í-king hun-bîng
一定欲來停止
it-tīng beh lâi thîng-tsí
咱家庭的戰爭
lán ka-tîng ê tsiàn-tsing
回復著咱初戀的感情
huê-ho̍k tio̍h lán tshoo-luân ê kám-tsîng
創造幸福的人生
tshòng-tsō hīng-hok ê jîn-sing
這才是咱的光榮啦
tse tsiah sī lán ê kong-îng–lah
↑↑(口白)—(口白)—(口白)↑↑
回復好感情
huê-ho̍k hó kám-tsîng
家庭的光榮
ka-tîng ê kong-îng
夫妻相尊敬
hu-tshe sio tsun-kìng
家和萬事成
ka hô bān-sū sîng
