流浪的魔術師
https://www.youtube.com/watch?v=7GmJfKKAcEM&fbclid=IwAR1CuXxsVfDaeISIfEBt12jtvFEUE67xAmdpv2kONncIX-MEjcW6LYkdKNY
《流浪的魔術師》Liû-Lōng ê Môo-su̍t-sai
郭大誠 Kueh Tāi-sîng
——————————————
微微的清風 / bî-bî ê tshing-hong
吹送阮身邊 / tshue-sàng gún sin-pinn
手提著khe-tsí-báng / tshiú the̍h tio̍h khe-tsí-báng
喙念著one two three / tshuì liām tio̍h one two three
千變萬化啊 / tshian-piàn bān-huà–ah
姑娘變先生 / koo-niû piàn sian-sinn
緊來緊來 / kín lâi, kín lâi
緊來緊來 / kín lâi, kín lâi
緊來來 / kín lâi, lâi
↓↓(口白)—(口白)—(口白)↓↓
欸~ 來來來 / eh~ lâi, lâi, lâi
緊來緊來 / kín lâi, kín lâi
諸位朋友來做參考 / tsu-uī pîng-iú lâi tsò tsham-khó
人濟我技術做愈濟 / lâng tsuē, guá ki-su̍t tsò jú tsuē
啊若人少 / ah nā lâng tsió
我魔術嘛變袂少 / guá môo-su̍t mā piàn buē-tsió
無相棄嫌 / bô sio-khì-hiâm
菜脯根罔咬鹹 / tshài-póo-kin bóng kā-kiâm
欸~白糖變烏鹽 / eh~ pe̍h-thn̂g piàn oo-iâm
喙舌會穿銅針 / tshuì-tsi̍h ē tshng tâng-tsiam
雞卵會走路 / ke-nn̄g ē tsáu-lōo
鴨卵會壁 / ah-nn̄g ē peh piah
牽牛入甕 / khan-gû ji̍p àng
草變蜈蚣 / tsháu piàn giâ-kang
食火吐火 / tsia̍h-hué thòo-hué
刣人種瓜 / thâi-lâng tsìng-kue
真刀殺人 / tsin-to sat-jîn
白鐵變黃金 / pe̍h-thih piàn n̂g-kim
塗沙變石 / thôo-sua piàn tsio̍h
粉鳥變鴟鴞 / hún-tsiáu piàn bā-hio̍h
欸~這步是二龍戲珠 / eh~ tsit pōo sī jī-liông hì-tsu
大肚咧欲變隱痀 / tuā-tōo tih-beh piàn ún-ku
1234 / yīèrsānsù
雞公變鴨母 / ke-kang piàn ah-bú
來來來 / lâi, lâi, lâi
看看看 / khuànn, khuànn, khuànn
千變萬化 / tshian-piàn bān-huà
紙人會捀碗 / tsuá-lâng ē phâng uánn
蝨母變虼蚻 / sat-bó piàn ka-tsua̍h
se-kí-tah變淺拖(雪駄せきだ) / se-kí-tah piàn tshián-thua
看斟酌啊 / khuànn tsim-tsiok
鸚哥變麻雀 / ing-ko piàn muâ-tshiok
欸~紲落去 / eh~ suà–lo̍h-khì
九連環變化萬項 / káu-liân-khuân piàn-huà bān-hāng
啊有人講有空 / ah ū-lâng kóng ū khang
若有空 / nā ū khang
一空遮大空 / tsi̍t-khang tsiah tuā khang
廈門透廣東 / Ē-mn̂g thàu Kńg-tang
基隆到北港 / ke-lâng kàu Pak-káng
欸~這步叫做福州耳鉤一對 / eh~ tsit pōo kiò-tsò Hok-tsiu hīnn-kau tsi̍t-tuì
啊若欲買真貴 / ah nā beh bé, tsin kuì
啊掛著會大心氣 / ah kuà tio̍h, ē tuā-sim-khuì
這步紲落去猶閣較好 / tsit pōo suà–lo̍h-khì iáu-koh khah hó
貓會驚鳥鼠 / niau ē kiann niáu-tshí
蠓仔叮螿蜍 / báng-á tìng tsiunn-tsî
啊若閣紲落去 / ah nā koh suà–lo̍h-khì
姑娘變先生 / koo-niû piàn sian-sinn
小弟變大姊啊 / sió-tī piàn tuā-tsí–ah
↑↑(口白)—(口白)—(口白)↑↑
微微的清風 / bî-bî ê tshing-hong
吹送阮身邊 / tshue-sàng gún sin-pinn
手提著khe-tsí-báng / tshiú the̍h tio̍h khe-tsí-báng
喙念著one two three / tshuì liām tio̍h one two three
千變萬化啊 / tshian-piàn bān-huà–ah
姑娘變先生 / koo-niû piàn sian-sinn
緊來緊來 / kín lâi, kín lâi
緊來緊來 / kín lâi, kín lâi
緊來來 / kín lâi, lâi
