痴心月娘情
《痴心月娘情》Tshi-sim Gue̍h-niû Tsîng
許志豪Khóo Tsì-hô
——————————————
自從拄著你
tsū-tsiông tú-tio̍h lí
我的人生開始有色水
guá ê jîn-sing khai-sí ū sik-tsuí
每工看著你的相片
muí-kang khuànn-tio̍h lí ê siòng-phìnn
就算是做夢也歡喜
tiō-sǹg sī tsuē-bāng iā huann-hí
無意中愛著你
bô-ì-tiong ài-tio̍h lí
哪會愈愛愈稀微
ná ē jú ài jú hi-bî
敢是天公伯咧創治
kám-sī thinn-kong-peh teh tshòng-tī
原來悲傷就欲開始
guân-lâi pi-siong tiō-beh khai-sí
啊~天頂的月娘
ah~ thinn-tíng ê gue̍h-niû
笑阮遮爾痴
tshiò gún tsiah-nī tshi
一年過一年
tsi̍t-nî kuè tsi̍t-nî
純情的傷悲
sûn-tsîng ê siong-pi
啊~天頂的月娘
ah~ thinn-tíng ê gue̍h-niû
才知阮的心
tsiah tsai gún ê sim
一句我愛你
tsi̍t-kù guá ài lí
毋敢講出喙
m̄-kánn kóng tshut-tshuì
當做一切毋捌開始
tòng-tsuè it-tshè m̄-bat khai-sí
只好恬恬來離開
tsí-hó tiām-tiām lâi lī-khui
