愛一半
《愛一半》Ài Tsi̍t-puànn
許志豪Khóo Tsì-hô
——————————————
你我分開遮濟年
lí guá hun-khui tsiah tsuē nî
過了按怎
kuè-liáu án-tsuánn
雖然已經來離開
sui-jiân í-king lâi lī-khui
猶是毋甘
iáu-sī m̄-kam
你的身邊
lí ê sin-pinn
敢已經有人佮你做伴
kám í-king ū-lâng kah lí tsuè-phuānn
人生路途若無你
jîn-sing lōo-tôo nā bô lí
欲按怎行
beh án-tsuánn kiânn
一幕幕咱的過去
tsi̍t-bōo-bōo lán ê kuè-khì
親像電影
tshin-tshiūnn tiān-iánn
一張張咱的相片
tsi̍t-tiunn-tiunn lán ê siòng-phìnn
只賰孤單
tsí tshun koo-tuann
對你的情
tuì lí ê tsîng
一直恬恬藏佇咧心肝
it-ti̍t tiām-tiām tshàng tī-leh sim-kuann
毋願接受這一切
m̄-guān tsiap-siū tse it-tshè
是咱的命
sī lán ê miā
敢講當初
kám-kóng tong-tshoo
你心無佇遮
lí sim bô tī tsia
才會來予愛賰一半
tsiah ē lâi hōo ài tshun tsi̍t-puànn
敢是現實的運命
kám-sī hiān-si̍t ê ūn-miā
註定著愛來為情拖磨
tsù-tiānn tio̍h-ài lâi uī tsîng thua-buâ
愛你的心
ài lí ê sim
猶原閣佇遮
iu-guân koh tī tsia
毋願予愛來賰一半
m̄-guān hōo ài lâi tshun tsi̍t-puànn
對你的情跋遮重
tuì lí ê tsîng pua̍h tsiah tāng
請你回頭
tshiánn lí huê-thâu
看覓阮的心肝
khuànn-māi gún ê sim-kuann
