英雄心
《英雄心》Ing-hiông Sim
莊育典Tsng Io̍k-tián
——————————————
好漢天生有骨氣
hó-hàn thian-sing ū kut-khì
立志他鄉走千里
li̍p-tsì thann-hiong tsáu tshian-lí
上驚予人看袂起
siōng-kiann hōo-lâng khuànn-buē-khí
千金難買英雄淚
tshian-kim lân bé ing-hiông luī
英雄本是多情兒
ing-hiông pún sī to-tsîng-jî
偏偏予人傷心的名字
phian-phian hōo-lâng siong-sim ê miâ-jī
毋是心肝硬過鐵
m̄-sī sim-kuann ngē kuè thih
無奈才來斷情絲
bô-nāi tsiah lâi tuān tsîng-si
英雄心
ing-hiông sim
三分醉
sann-hun tsuì
七分醒
tshit-hun tshínn
情意囥踮身邊
tsîng-ì khǹg tiàm sin-pinn
心碎交予自己
sim-tshuì kau hōo tsū-kí
英雄路
ing-hiông lōo
水中來
tsuí-tiong lâi
火中去
hué-tiong khì
性命交予天
sìnn-miā kau hōo thinn
親像無回頭的弓箭
tshin-tshiūnn bô huê-thâu ê kiong-tsìnn
