痴情山地花
《痴情山地花》Tshi-tsîng Suann-tē-hue
莊淑君Tsng Siok-kun
——————————————
有一位山頂小姑娘
ū tsi̍t-uī suann-tíng sió koo-niû
目睭真活動
ba̍k-tsiu tsin ua̍h-tāng
喙脣胭脂點紅紅
tshuì-tûn ian-tsi tiám âng-âng
長長的烏頭鬃
tn̂g-tn̂g ê oo-thâu-tsang
孤單踮在山頂
koo-tuann tiàm-tsāi suann-tíng
一工過一工
tsi̍t-kang kuè tsi̍t-kang
毋知欲等啥人
m̄-tsai beh tán siánn-lâng
天星笑伊
thinn-tshinn tshiò i
天星笑伊
thinn-tshinn tshiò i
感情隨便放
kám-tsîng suî-piān pàng
月娘講伊
ge̍h-niû kóng i
月娘講伊
ge̍h-niû kóng i
愛情的戇人
ài-tsîng ê gōng-lâng
毋管大風透幾工
m̄-kuán tuā-hong thàu kuí-kang
毋管小雨落規暗
m̄-kuán sió-hōo lo̍h kui-àm
痴情的人
tshi-tsîng ê lâng
為情為愛守空房
uī tsîng uī ài siú khang-pâng
無情的人
bô-tsîng ê lâng
早就越頭做伊閬
tsá tiō ua̍t-thâu tsuè i làng
痴情的人
tshi-tsîng ê lâng
等啊閣再等
tán–ah koh-tsài tán
等待心愛的彼个人
tán-thāi sim-ài ê hit-ê lâng
