畫相思
《畫相思》Uē Siunn-si
曹雅雯Tsô Ngá-bûn
——————————————
重重疊疊的世情
tîng-tîng-tha̍h-tha̍h ê sè-tsîng
哪會像薄紙
ná ē tshiūnn po̍h-tsuá
落筆怎樣撙節輕重
lo̍h-pit tsuánn-iūnn tsún-tsat khin-tāng
情愛才畫袂破
tsîng-ài tsiah uē buē phuà
浮浮沉沉的牽掛
phû-phû-tîm-tîm ê khian-kuà
哪會攏揣無岸
ná ē lóng tshuē-bô huānn
思念已經霸占心肝
su-liām í-king pà-tsiàm sim-kuann
變成一種疼
piàn-sîng tsi̍t-tsióng thiànn
日日夜夜
ji̍t-ji̍t-iā-iā
也是等無你的消息
iā-sī tán bô lí ê siau-sit
毋知永遠兩字
m̄-tsai íng-uán nn̄g-jī
到底是啥物
tàu-té sī siánn-mih
用我的心血
iōng guá ê sim-hueh
磨做墨水
buâ tsuè ba̍k-tsuí
一點一滴
tsi̍t-tiám-tsi̍t-tih
予故事閣開始
hōo kòo-sū koh khai-sí
用我的胭脂
iōng guá ê ian-tsi
點出一夜的相思
tiám tshut it-iā ê siunn-si
一畫一筆的過程
tsi̍t-uē tsi̍t-pit ê kuè-tîng
猶原遐熟悉
iu-guân hiah si̍k-sik
一蕊一蕊開出的花
tsi̍t-luí-tsi̍t-luí khui tshut ê hue
煞來已經過期
suah lâi í-king kuè-kî
思思念念的形影
su-su-liām-liām ê hîng-iánn
你是佇佗位
lí sī tī tó-uī
哪通予你繼續蹧躂
ná thang hōo lí kè-sio̍k tsau-that
目屎掰袂離
ba̍k-sái pué buē-lī
有魂無體這个身軀
ū-hûn bô-thé tsit ê sin-khu
已經拍毋見
í-king phàng-kìnn
猶原數想
iu-guân siàu-siūnn
彼段美好的過去
hit tuānn bí-hó ê kuè-khì
夢中的蝴蝶
bāng-tiong ê ôo-tia̍p
成雙成對
sîng-siang sîng-tuì
停佇牡丹的甜蜜
thîng tī bóo-tan ê tinn-bi̍t
賰記持
tshun kì-tî
我提心攑筆
guá the̍h sim gia̍h pit
畫出這幅的纏綿
uē tshut tsit pak ê tînn-mî
海角抑是天邊做你去
hái-kak ia̍h-sī thinn-pinn tsuè lí khì
攏無顧慮著阮的傷心
lóng bô kòo-lū tio̍h gún ê siong-sim
被擾亂望穿的秋水
pī jiáu-luān bāng-tshuan ê tshiu-tsuí
如何來鎮靜
jû-hô lâi tìn-tsīng
毋免計較誰犧牲
m̄-bián kè-kàu siáng hi-sing
一切刻咧三生石頂
it-tshè khik teh sam-sing-tsio̍h tíng
日日夜夜
ji̍t-ji̍t-iā-iā
也是等無你的消息
iā-sī tán bô lí ê siau-sit
毋知永遠兩字
m̄-tsai íng-uán nn̄g-jī
到底是啥物
tàu-té sī siánn-mih
用我的心血
iōng guá ê sim-hueh
磨做墨水
buâ tsuè ba̍k-tsuí
一點一滴
tsi̍t-tiám-tsi̍t-tih
予故事閣開始
hōo kòo-sū koh khai-sí
用我的胭脂
iōng guá ê ian-tsi
點出一夜的相思
tiám tshut it-iā ê siunn-si
我提心攑筆
guá the̍h sim gia̍h pit
畫出這幅的纏綿
uē tshut tsit pak ê tînn-mî
