最後最愛的人
《最後最愛的人》Tsuè-āu Tsuè-ài ê Lâng
曹雅雯Tsô Ngá-bûn
——————————————
孤孤單單一个人
koo-koo-tuann-tuann tsi̍t-ê-lâng
無依無倚
bô-i-bô-uá
想欲飛入你的心
siūnn-beh pue ji̍p lí ê sim
你敢知影
lí kám tsai-iánn
敢講阮親像無岸的孤帆
kám-kóng gún tshin-tshiūnn bô huānn ê koo-phâng
揣無阮心內的窗
tshuē-bô gún sim-lāi ê thang
啊~毋願
ah~ m̄-guān
我毋願賰阮一人
guá m̄-guān tshun gún tsi̍t-lâng
女人的心事
lú-jîn ê sim-sū
親像一幕電影
tshin-tshiūnn tsi̍t-bōo tiān-iánn
阮只是貪戀
gún tsí-sī tham-luân
一點點幸福的感覺
tsi̍t-tiám-tiám hīng-hok ê kám-kak
寒風吹來
hân-hong tshue–lâi
愈吹心愈寒
jú tshue sim jú kuânn
目睭內只賰阮孤單
ba̍k-tsiu lāi tsí tshun gún koo-tuann
啊~愛你
ah~ ài lí
啊~愛你阮毋願放
ah~ ài lí gún m̄-guān pàng
愛著一个無情的人
ài-tio̍h tsi̍t-ê bô-tsîng ê lâng
每日思念心頭亂
muí-ji̍t su-liām sim-thâu luān
等無伊的心
tán bô i ê sim
等無伊的人
tán bô i ê lâng
阮知影
gún tsai-iánn
阮的痴情是空
gún ê tshi-tsîng sī khang
愛著一个無心的人
ài-tio̍h tsi̍t-ê bô-sim ê lâng
夜夜思念目箍紅
iā-iā su-liām ba̍k-khoo âng
等待伊的心
tán-thāi i ê sim
等待伊的人
tán-thāi i ê lâng
伊是我最後最愛的人
i sī guá tsuè-āu tsuè ài ê lâng
最愛的人
tsuè ài ê lâng
