日夜悲嘆
《日夜悲嘆》Ji̍t-iā Pi-thàn
清香Tshing-hiong
——————————————
初時恩愛情意深
tshoo-sî un-ài tsîng-ì tshim
透月三年不離身
thàu-gue̍h sann-nî put lî-sin
無疑變心遮爾緊
bô-gî piàn-sim tsiah-nī kín
真真知面不知心
tsin-tsin ti-bīn put ti-sim
諞錢諞食無要緊
pián-tsînn pián-tsia̍h bô-iàu-kín
不該一去無回心
put-kai it khì bô huê-sim
放我孤單遮殘忍
pàng guá koo-tuann tsiah tsân-jím
害甲失神瘦一身
hāi kah sit-sîn sán tsi̍t-sin
當初任君所要求
tong-tshoo jīm kun sóo iau-kiû
今日恩愛變成愁
kim-ji̍t un-ài piàn-sîng tshiû
害阮倒床無藥救
hāi gún tó tshn̂g bô io̍h kiù
日夜悲痛空不休
ji̍t-iā pi-thòng khong put-hiu
