失去你
《失去你》Sit-khì Lí
曹雅雯Tsô Ngá-bûn
——————————————
猶原是愛你的心
iu-guân sī ài lí ê sim
想起彼當時
siūnn-khí hit-tong-sî
手牽手行過的路
tshiú khan-tshiú kiânn–kuè ê lōo
春天變冬天
tshun-thinn piàn tang-thinn
猶原是孤孤單單
iu-guân sī koo-koo-tuann-tuann
寂寞的滋味
tsi̍k-bo̍k ê tsu-bī
思念就親像風雨
su-liām tiō tshin-tshiūnn hong-hōo
陪阮哭規暝
puê gún khàu kui-mî
為何愛情遮爾無情
uī-hô ài-tsîng tsiah-nī bô-tsîng
是毋是痴情無流行
sī-m̄-sī tshi-tsîng bô liû-hîng
抑是你已經無心鬥陣
ia̍h-sī lí í-king bô-sim tàu-tīn
失去你
sit-khì lí
阮毋願來離開
gún m̄-guān lâi lī-khui
自作多情甘願相信
tsū-tsok to-tsîng kam-guān siong-sìn
一切攏是不得已
it-tshè lóng-sī put-tik-í
繁華的都市
huân-huâ ê too-tshī
啥人看見阮心傷悲
siánn-lâng khuànn-kìnn gún sim siong-pi
啥人來予阮勇氣
siánn-lâng lâi hōo gún ióng-khì
失去你
sit-khì lí
阮只好離開
gún tsí-hó lī-khui
將過去的風景
tsiong kuè-khì ê hong-kíng
當做是夢清醒
tòng-tsuè sī bāng tshing-tshínn
踮月光暝
tiàm gue̍h-kng-mî
只賰心稀微
tsí tshun sim hi-bî
