青春小姑娘
《青春小姑娘》Tshing-tshun Sió-koo-niû
張淑美Tiunn Siok-bí
——————————————
一个青春小姑娘
tsi̍t-ê tshing-tshun sió-koo-niû
面貌愛嬌好模樣
bīn-māu ài-kiau hó bôo-iūnn
真濟少年咧數想
tsin tsuē siàu-liân teh siàu-siūnn
嘿!數想伴伊做鴛鴦
heh! siàu-siūnn phuānn i tsuè uan-iunn
暝日無憂愁
mî-ji̍t bô iu-tshiû
快樂過日真自由
khuài-lo̍k kè-ji̍t tsin tsū-iû
一个青春小姑娘
tsi̍t-ê tshing-tshun sió-koo-niû
一對活靈烏目睭
tsi̍t-tuì ua̍h-lîng oo-ba̍k-tsiu
表情看落真風流
piáu-tsîng khuànn-lo̍h tsin hong-liû
嘿!風流毋是伊自定
heh! hong-liû m̄-sī i tsū-tīng
毋通烏白想
m̄-thang oo-pe̍h siūnn
伊佮別人無親像
i kah pa̍t-lâng bô tshin-tshiūnn
一个青春小姑娘
tsi̍t-ê tshing-tshun sió-koo-niû
心性媠咧真溫柔
sim-sìng suí–leh tsin un-jiû
心內猶原也有想
sim-lāi iu-guân iā ū siūnn
嘿!有想伴人做鴛鴦
heh! ū siūnn phuānn lâng tsuè uan-iunn
希望男朋友
hi-bāng lâm-pîng-iú
毋免替伊來擔憂
m̄-bián thuè i lâi tam-iu
