難忘追想曲
《難忘追想曲》Lân-bōng Tsui-sióng Khik
張淑美Tiunn Siok-bí
——————————————
抱著了滿懷熱誠的心意
phāu tio̍h liáu muá-huâi jia̍t-sîng ê sim-ì
不怕路途千里
put-phà lōo-tôo tshian-lí
想欲來見伊
siūnn-beh lâi kìnn i
無疑袂得相見
bô-gî buē-tit sann-kìnn
傷情心稀微
siong-tsîng sim hi-bî
啊~予我無限心內悲
ah~ hōo guá bû-hān sim-lāi pi
回想著當時
huê-siūnn tio̍h tong-sî
在孤島漂浪
tsāi koo-tó phiau-lōng
受伊溫柔感動
siū i un-jiû kám-tōng
如今心茫茫
jû-kim sim bông-bông
希望再會相逢
hi-bāng tsài-huē siong-hông
歡喜變失望
huann-hí piàn sit-bōng
啊~予我永遠也難忘
ah~ hōo guá íng-uán iā lân-bōng
脫離了一切意外的惡端
thuat-lî liáu it-tshè ì-guā ê ok-tuan
挑戰重重難關
thiau-tsiàn tîng-tîng lân-kuan
完成阮心願
uân-sîng gún sim-guān
如今事情圓滿
jû-kim sū-tsîng uân-buán
離別心也煩
lî-pia̍t sim iā huân
啊~說聲再會心留戀
ah~ sueh siann tsài-huē sim liû-luân
