阮的查埔人
《阮的查埔人》Gún ê Tsa-poo-lâng
張蓉蓉Tiunn Iông-iông
——————————————
我只有一个小小的願望
guá tsí-ū tsi̍t-ê sió-sió ê guān-bāng
若無人的情
nā bô lâng ê tsîng
一切成空
it-tshè sîng khang
想欲有一段難忘的戀夢
siūnn-beh ū tsi̍t-tuānn lân-bōng ê luân-bāng
但是若欲揣
tān-sī nā beh tshuē
又驚目箍澹
iū kiann ba̍k-khoo tâm
好得佳哉
hó-leh ka-tsài
有你的情意重
ū lí ê tsîng-ì tāng
好得佳哉
hó-leh ka-tsài
阮無愛毋著人
gún bô ài m̄-tio̍h lâng
人生才像快樂的出航
jîn-sing tsiah tshiūnn khuài-lo̍k ê tshut-hâng
彼个伊是阮的查埔人
hit ê i sī gún ê tsa-poo-lâng
彼个查埔人是阮的天
hit ê tsa-poo-lâng sī gún ê thinn
人啊人啊人
lâng–ah lâng–ah lâng
伊啊伊啊伊
i–ah i–ah i
伊予阮青春有美夢
i hōo gún tshing-tshun ū bí-bāng
阮予伊人生會輕鬆
gún hōo i jîn-sing ē khin-sang
想著阮身邊
siūnn-tio̍h gún sin-pinn
有這个查埔人
ū tsit ê tsa-poo-lâng
這个查埔人
tsit ê tsa-poo-lâng
會予阮甜
ē hōo gún tinn
人啊
lâng–ah
希望一生咱兩人
hi-bāng it-sing lán nn̄g-lâng
等無離別的車幫
tán bô lī-pia̍t ê tshia-pang
開往幸福的終點站
khui óng hīng-hok ê tsiong-tiám-tsām
