相思作弄
《相思作弄》Siunn-si Tsok-lōng
張瀛仁Tiunn Îng-jîn
傑克Kia̍t-khik
———————————————
點點相思寄露水
tiám-tiám siunn-si kià lōo-tsuí
紅紅玫瑰為你開
âng-âng muî-kuì uī lí khui
滴滴小雨陪阮咧想你
tih-tih sió hōo puê gún teh siūnn lí
望啊望穿秋水
bāng–ah bāng-tshuan tshiu-suí
望你陪伴阮身邊
bāng lí puê-phuānn gún sin-pinn
想起熱戀貼心的甘甜
siūnn-khí jia̍t-luân tah-sim ê kam-tinn
片片落葉墜落地
phìnn-phìnn lo̍h-hio̍h tuī-lo̍h tē
青春若過不再回
tshing-tshun nā kuè put-tsài huê
春夏秋冬啊望你相陪
tshun-hā tshiu-tang–ah bāng lí siong-puê
愛是無惜代價
ài sī bô sioh tāi-kè
甘願無顧一切
kam-guān bô kòo it-tshè
今生今世啊愛你無反悔
kim-sing kim-sè–ah ài lí bô huán-hué
啊~ 相思來作弄
ah~ siunn-si lâi tsok-lōng
偏偏舊情最難忘
phian-phian kū-tsîng tsuè lân-bōng
日思夜夢
ji̍t-su iā-bāng
等啊等你入夢中
tán–ah tán lí ji̍p bāng-tiong
啊~ 相思來創治
ah~ siunn-si lâi tshòng-tī
真心愛你免懷疑
tsin-sim ài lí bián huâi-gî
欣羨鴛鴦
him-siān uan-iunn
相愛相倚相隨
siong-ài siong-uá siong-suî
