春風弄桃花
《春風弄桃花》Tshun-hong Lāng Thô-hue
張淑美Tiunn Siok-bí
——————————————
春天桃花滿牆圍
tshun-thinn thô-hue muá tshiûnn-uî
蝴蝶賞花成雙對
ôo-tia̍p siúnn-hue sîng-siang-tuì
毋知郎君去佗位
m̄-tsai lông-kun khì tó-uī
害阮暝日吐大氣
hāi gún mî-ji̍t thóo-tuā-khuì
踮在空房吐大氣
tiàm-tsāi khang-pâng thóo-tuā-khuì
溫柔春風送芳味
un-jiû tshun-hong sàng phang-bī
引娘開窗看景緻
ín niû khui thang khuànn kíng-tì
到底毋知想啥物
tàu-tué m̄-tsai siūnn siánn-mih
滿面愁容頭敧敧
muá-bīn tshiû-iông thâu khi-khi
踮在樓窗頭敧敧
tiàm-tsāi lâu-thang thâu khi-khi
春天滿園桃花紅
tshun-thinn muá-hn̂g thô-hue âng
由在春風來搖動
iû-tsāi tshun-hong lâi iô-tāng
怎樣郎君害死人
tsuánn-iūnn lông-kun hāi-sí lâng
叫阮暝日心茫茫
kiò gún mî-ji̍t sim bâng-bâng
耽誤青春心茫茫
tam-gōo tshing-tshun sim bâng-bâng
春風本來是風流
tshun-hong pún-lâi sī hong-liû
吹來送去真自由
tshue lâi sàng khì tsin tsū-iû
柔情阿哥毋通想
jiû-tsîng a-ko m̄-thang siūnn
哪通為伊心憂愁
ná thang uī i sim iu-tshiû
寶貴青春心憂愁
pó-kuì tshing-tshun sim iu-tshiû
桃花若開有人愛
thô-hue nā khui ū-lâng ài
花謝落地無人知
hue siā lo̍h tuē bô-lâng tsai
思念郎君君毋來
su-liām lông-kun kun m̄-lâi
傷心看月月斜西
siong-sim khuànn ge̍h ge̍h tshiâ-sai
空度春宵月斜西
khang tōo tshun-siau ge̍h tshiâ-sai
