手抱孩兒懷母恩
《手抱孩兒懷母恩》Tshiú Phō Hâi-jî Huâi Bú-un
張凱婷Tiunn Khái-tîng
——————————————
↓↓—(口白)—↓↓
媽媽媽媽
má-mah, má-mah
人別人攏有爸爸
lâng pa̍t-lâng lóng ū pá-pah
為啥物
uī-siánn-mih
我攏毋捌看著阮爸爸咧
guá lóng m̄-bat khuànn-tio̍h gún pá-pah–leh
小玲小玲
Sió-lîng, Sió-lîng
媽媽媽媽
má-mah, má-mah
你哪會咧哭咧
lí ná ē teh khàu–leh
你共我講
lí kā guá kóng
你共我講
lí kā guá kóng
好無
hó–bô
↑↑—(口白)—↑↑
天下至親慈母心
thian-hā tsì-tshin tsû-bió sim
為囝費心神
uī kiánn huì sim-sîn
牽著可憐私生女
khan-tio̍h khó-liân su-sing-lú
啥人會當來同情
siánn-lâng ē-tàng lâi tông-tsîng
手抱囝兒疼在心
tshiú phō kiánn-jî thiànn tsāi sim
想起爸母養育恩
siūnn-khí pē-bú ióng-io̍k un
望囝會得來長成
bāng kiánn ē-tit lâi tióng-sîng
甘願食苦度一生
kam-guān tsia̍h-khóo tōo it-sing
↓↓—(口白)—↓↓
媽媽
má-mah
當初為著你反對女兒的婚姻
tong-tshoo uī-tio̍h lí huán-tuì lú-jî ê hun-in
女兒才來離家出走
lú-jî tsiah lâi lī-ka tshut-tsáu
雖然媽媽你
sui-jiân má-mah lí
時常叫我抱秀玲閣倒轉去
sî-siông kiò guá phō Siù-lîng koh tò-tńg–khì
毋過無翁有囝的我
m̄-koh bô ang ū kiánn ê guá
哪有彼號面閣倒轉去
ná-ū hit-lō bīn koh tò-tńg–khì
啊!手抱囝兒懷母恩
ah! tshiú phō kiánn-jî huâi bó-un
如今我才體會
jû-kim guá tsiah thé-huē
媽媽你疼囝的心情
má-mah lí thiànn kiánn ê sim-tsîng
媽媽媽媽
má-mah má-mah
請你赦免女兒的不孝,好無?
tshiánn lí sià-bián lú-jî ê put-hàu, hó bô?
↑↑—(口白)—↑↑
海風吹來心頭冷
hái-hong tshe–lâi sim-thâu líng
為君費心神
uī kun huì sim-sîn
等君數年無音信
tán kun sóo-nî bô im-sìn
放阮母囝誰同情
pàng gún bú-kiánn siáng tông-tsîng
想欲對囝來表明
siūnn-beh tuì kiánn lâi piáu-bîng
又驚傷伊自尊心
iū kiann siong i tsū-tsun-sim
望囝以後若長成
bāng kiánn í-āu nā tióng-sîng
毋通辜負慈母心
m̄-thang koo-hū tsû-bió-sim
