憶戀思景
《憶戀思景》Ik-luân Su-kíng
張淑美 Tiunn Siok-bí
——————————————
啊~來想起咱的初戀時
ah~ lâi siūnn-khí lán ê tshoo-luân sî
是春天踮在花園邊
sī tshun-thinn tiàm-tsāi hue-hn̂g pinn
你我來露出情意
lí guá lâi lōo-tshut tsîng-ì
欸~春風也帶芳味
eh~ tshun-hong iā tài phang-bī
啊~來想起咱的熱戀時
ah~ lâi siūnn-khí lán ê jia̍t-luân sî
是夏天踮在運河邊
sī hā-thinn tiàm-tsāi ūn-hô pinn
你我來糖甘蜜甜
lí guá lâi thn̂g-kam-bi̍t-tinn
欸~水聲也唱情詩
eh~ tsuí-siann iā tshiùnn tsîng-si
啊~來想起咱的苦戀時
ah~ lâi siūnn-khí lán ê khóo-luân sî
是秋天踮在山崙邊
sī tshiu-thinn tiàm-tsāi suann-lūn pinn
你我來吐出苦味
lí guá lâi thòo-tshut khóo-bī
欸~月娘也心稀微
eh~ ge̍h-niû iā sim hi-bî
啊~來想起咱的悲戀時
ah~ lâi siūnn-khí lán ê pi-luân sî
是冬天踮在碼頭邊
sī tang-thinn tiàm-tsāi bé-thâu pinn
你我來提議分離
lí guá lâi thê-gī hun-lî
欸~波浪也哭規暝
eh~ pho-lōng iā khàu kui-mî
