無情的火車
《無情的火車》Bô-tsîng ê Hué-tshia
張秀卿Tiunn Siù-khing
——————————————
無情的火車
bô-tsîng ê hué-tshia
已經欲起行
í-king beh khí-kiânn
催著阮心驚惶
tshui tio̍h gún sim kiann-hiânn
牽著你的手
khan tio̍h lí ê tshiú
依依難捨
i-i lân-siá
含著目屎哭袂出聲
kâm tio̍h ba̍k-sái khàu bē tshut-siann
保重啦保重啦
pó-tiōng–lah pó-tiōng–lah
保重啦
pó-tiōng–lah
輕輕叫著心愛的名
khin-khin kiò tio̍h sim-ài ê miâ
再會吧再會吧
tsài-huē–pah tsài-huē–pah
再會吧
tsài-huē–pah
著愛會記故鄉的我
tio̍h-ài ē kì kòo-hiong ê guá
無情的火車
bô-tsîng ê hué-tshia
逼阮閣較毋甘
pik gún koh-khah m̄-kam
也著送你行
iā tio̍h sàng lí kiânn
啊~目睭金金看著你
ah~ ba̍k-tsiu kim-kim khuànn tio̍h lí
漸漸消失的形影
tsiām-tsiām siau-sit ê hîng-iánn
