滿面春風
《滿面春風》Muá-bīn Tshun-hong
張秀卿 Tiunn Siù-khing
——————————————
滿面春風
muá-bīn tshun-hong
可愛的笑容
khó-ài ê tshiò-iông
滿面春風
muá-bīn tshun-hong
行路攏有風
kiânn-lōo lóng ū-hong
有緣來相逢
ū-iân lâi siong-hông
人生的旅途上
jîn-sing ê lí-tôo siōng
咱著快樂向前衝
lán tio̍h khuài-lo̍k hiòng-tsiân tshiong
少年人有理想
siàu-liân-lâng ū lí-sióng
愈困難愈堅強
jú khùn-lân jú kian-kiông
無需要怨嘆悲傷
bô su-iàu uàn-thàn pi-siong
少年人愛保重
siàu-liân-lâng ài pó-tiōng
毋驚風毋驚雨
m̄-kiann hong m̄-kiann hōo
期待著最後的成功
kî-thāi tio̍h tsuè-āu ê sîng-kong
滿面春風
muá-bīn tshun-hong
可愛的笑容
khó-ài ê tshiò-iông
滿面春風
muá-bīn tshun-hong
行路攏有風
kiânn-lōo lóng ū-hong
溫暖的太陽
un-luán ê thài-iông
溫暖的旅途上
un-luán ê lí-tôo siōng
快樂轉來阮的故鄉
khuài-lo̍k tńg-lâi gún ê kòo-hiong
