純情頇顢囝
《純情頇顢囝》Sûn-tsîng Han-bān Kiánn
張宇 Tiunn Ú
——————————————
我為著你的美麗心疼
guá uī-tio̍h lí ê bí-lē sim thiànn
敢講你看我遮軟汫
kám-kóng lí khuànn guá tsiah nńg-tsiánn
雄雄用燒酒沃澹的心肝
hiông-hiông iōng sio-tsiú ak-tâm ê sim-kuann
較曝嘛曝袂焦
khah pha̍k mā pha̍k buē ta
虛華的你佮無聊的我
hi-hua ê lí kah bô-liâu ê guá
無可能鬥陣來做伴
bô-khó-lîng tàu-tīn lâi tsuè-phuānn
愛你佮恨你
ài lí kah hūn lí
我攏無條件
guá lóng bô tiâu-kiānn
出在你拖磨
tshut-tsāi-lí thua-buâ
—
敢講你戲弄著我
kám-kóng lí hì-lāng tio̍h guá
你會較快活
lí ē khah khuìnn-ua̍h
刺激我
tshì-kik guá
毋知收煞
m̄-tsai siu-suah
無較縒
bô-khah-tsua̍h
按怎對你姑情
án-tsuánn tuì lí koo-tsiânn
攏毋聽
lóng m̄ thiann
你只是將我
lí tsí-sī tsiong guá
當做一粒沙
tòng-tsuè tsi̍t-lia̍p sua
為怎樣你會遮爾刺疫
uī-tsuánn-iūnn lí ē tsiah-nī tshiah-ia̍h
跋感情親像跋性命
pua̍h-kám-tsîng tshin-tshiūnn pua̍h sènn-miā
無同情阮是純情頇顢囝
bô tông-tsîng gún sī sûn-tsîng han-bān kiánn
袂堪你拖磨
buē kham lí thua-buâ
