情歌歹寫
《情歌歹寫》Tsîng-kua Pháinn Siá
張宇Tiunn Ú
——————————————-
若無一段沉重酸澀的過去
nā-bô tsi̍t-tuānn tîm-tāng sng-siap ê kuè-khì
嘛無今日的甘甜
mā bô kim-ji̍t ê kam-tinn
是你予阮心中暗淡的稀微
sī lí hōo gún sim-tiong àm-tām ê hi-bî
揣著知音的文字
tshuē-tio̍h ti-im ê bûn-jī
為著欲感謝你對阮的支持
uī-tio̍h beh kám-siā lí tuì gún ê tsi-tshî
將這首歌送予你
tsiong tsit siú kua sàng hōo-lí
偏偏心事全部化做MELODY
phian-phian sim-sū tsuân-pōo huà tsuè melody
相思猶原寫袂滇
siunn-si iu-guân siá buē tīnn
無寫字的部份攏是○○○○○
bô siá-jī ê pōo-hūn lóng-sī○○○○○
攏是為你○○的準備
lóng-sī uī lí○○ê tsún-pī
豐沛的歌 袂曉表示
phong-phài ê kua, buē-hiáu piáu-sī
怪阮對你太重視
kuài gún tuì lí thài tiōng-sī
無寫字的情歌○○○○免懷疑
bô siá-jī ê tsîng-kua○○○○bián huâi-gî
○○○○阮嘛袂放棄 ○○○○
○○○○gún mā buē hòng-khì○○○○
掩崁的歌 猶原堅持
am-khàm ê kua, iu-guân kian-tshî
為你唱一暝
uī lí tshiùnn tsi̍t mî
雖然一段旋律凌亂的表示
sui-jiân tsi̍t-tuānn suân-lu̍t ling-luān ê piáu-sī
毋是全部的相思
m̄-sī tsuân-pōo ê siunn-si
望你替阮傳達綿綿的情意
bāng lí thè gún thuân-ta̍t mî-mî ê tsîng-ì
豐富空虛的名字
hong-hù khang-hi ê miâ-jī
無寫字的部份攏是○○○○○
bô siá-jī ê pōo-hūn lóng-sī○○○○○
攏是為你○○的準備
lóng-sī uī lí○○ê tsún-pī
豐沛的歌佇咱心內
phong-phài ê kua, tī lán sim-lāi
免講你我攏會知
bián-kóng lí guá lóng ē tsai
無寫字的情歌○○○○免公開
bô siá-jī ê tsîng-kua ○○○○bián kong-khai
攏是兩人○○的等待
lóng-sī nn̄g-lâng○○ê tán-thāi
掩崁的歌 有咱的愛
am-khàm ê kua, ū lán ê ài
現在到未來
hiān-tsāi kàu bī-lâi
