一跤淺拖
《一跤淺拖》Tsi̍t-kha Tshiá-thua
張宇 Tiunn Ú
——————————————
獨夜無伴
to̍k-iā bô-phuānn
又閣來到
iū-koh lâi-kàu
離別的所在等候
lī-pia̍t ê sóo-tsāi tán-hāu
想著彼首歌
siūnn-tio̍h hit siú kua
彼个人
hit ê lâng
彼場夢
hit tiûnn bāng
彼段情
hit tuānn tsîng
悲歡毋堪回頭
pi-huan m̄-kham huê-thâu
彼陣時機未到
hit-tsūn sî-ki bē kàu
咱來結做患難之交
lán lâi kiat-tsuè huān-lân-tsi-kau
但是咱相信
tān-sī lán siong-sìn
有一日一定會出頭
ū-tsi̍t-ji̍t it-tīng ē tshut-thâu
憑著歌聲
pîn tio̍h kua-siann
努力奮鬥
lóo-li̍k hùn-tàu
在臺北街頭拍拚
tsāi Tâi-pak ke-thâu phah-piànn
逐暗攏唱甲滿身汗
ta̍k-àm lóng tshiùnn kah muá-sin kuānn
咱毋驚手膨疱
lán m̄-kiann tshiú phòng-phā
一攤拚過一攤
tsi̍t-thuann piànn kuè tsi̍t-thuann
吉他情歌輕彈
gih-tah tsîng-kua khin tuânn
彈袂出咱滿腹孤單
tuânn buē tshut lán muá-pak koo-tuann
像落魄江湖
tshiūnn lo̍k-phik kang-ôo
無希罕的一雙淺拖
bô hi-hán ê tsi̍t-siang tshián-thua
彼一暝
hit tsi̍t-mî
咱咒誓欲分開
lán tsiù-tsuā beh hun-khui
無成功免見面
bô sîng-kong bián kìnn-bīn
免通知
bián thong-ti
你嘛想袂到
lí mā siūnn buē kàu
我嘛想袂到
guá mā siūnn buē kàu
攏嘛想袂到
lóng-mā siūnn buē kàu
愛等何時
ài tán hô-sî
最後咱領出所有的錢
tsuè-āu lán niá tshut sóo-ū ê tsînn
一條歌配bih-luh 啉一暝
tsi̍t-tiâu kua phuè bih-luh lim tsi̍t-mî
你嘛毋願哭
lí mā m̄-guān khàu
我嘛毋願哭
guá mā m̄-guān khàu
攏嘛毋願流出男性的珠淚
lóng-mā m̄-guān lâu tshut lâm-sìng ê tsu-luī
獨夜無伴
to̍k-iā bô-phuānn
三更暝半
sann-kinn mî-puànn
在臺北街頭拖磨
tsāi Tâi-pak ke-thâu thua-buâ
想著彼首歌
siūnn-tio̍h hit siú kua
彼个人
hit-ê lâng
彼場夢
hit tiûnn bāng
彼段情
hit tuānn tsîng
青春看著會驚
tshing-tshun khuànn tio̍h ē kiann
吉他仝款繁華
gih-tah kāng-khuán huân-huâ
彈袂出咱彼條情歌
tuânn buē tshut lán hit tiâu tsîng-kua
像想過虛華
tshiūnn siūnn kuè hi-hua
無成雙的一跤淺拖
bô sîng-siang ê tsi̍t-kha tshián-thua
