恁姊仔蹛市內
《恁姊仔蹛市內》Lín Tsí–á Tuà Tshī-lāi
康康Khong-khong (康晉榮 Khong Tsìn-îng)
——————————————
你講恁姊仔蹛市內
lí kóng lín tsí–á tuà tshī-lāi
是按怎我會攏毋知
sī-án-tsuánn guá ē lóng m̄-tsai
一片痴心
it-phiàn tshi-sim
煞來沉落海
suah lâi tîm lo̍h hái
啊~每日相思哭悲哀
ah~ muí-ji̍t siunn-si khàu pi-ai
彼工我有去市內
hit-kang guá ū khì tshī-lāi
騎著我的烏肚䆀
khiâ tio̍h guá ê oo-tóo-bái
行到菜市仔
kiânn kàu tshài-tshī-á
搪著怹翁婿
tn̄g-tio̍h in ang-sài
乎!看一下險險倒頭栽
hooh! khuànn tsi̍t-ē hiám-hiám tò-thâu-tsai
伊是一个大箍呆
i sī tsi̍t-ê tuā-khoo-tai
生做親像妖魔鬼怪
senn-tsò tshin-tshiūnn iau-môo-kuí-kuài
一蕊好花插牛屎
tsi̍t-luí hó-hue tshah gû-sái
啊!恁姊仔實在有悲哀
ah! lín tsí–á si̍t-tsāi ū pi-ai
想來想去
siūnn lâi siūnn khì
我真無奈
guá tsin bô-nāi
揣無啥貨來排解
tshuē bô-siánn-huè lâi pâi-kái
只有對天
tsí-ū tuì thinn
大聲講出來
tuā-siann kóng tshut-lâi
啊!恁姊仔蹛市內
ah! lín tsí–á tuà tshī-lāi
