風中的思念
《風中的思念》Hong-tiong ê Su-liām
孫淑媚Sun Siok-bī
——————————————
心事已經無人聽
sim-sū í-ing bô-lâng thiann
輕輕叫著你的名
khin-khin kiò tio̍h lí ê miâ
異鄉的人
ī-hiong ê lâng
愛夢成空
ài-bāng sîng khang
害阮袂當來入夢
hāi gún buē-tàng lâi ji̍p-bāng
這款孤單的心情
tsit khuán koo-tuann ê sim-tsiânn
心頭疼
sim-thâu thiànn
你敢知影
lí kám tsai-iánn
分開思念
hun-khui su-liām
愛袂成雙
ài buē sîng-siang
是命運的戲弄
sī miā-ūn ê hì-lāng
月娘請幫忙
gue̍h-niû tshiánn pang-bâng
將滿腹的心聲
tsiong muá-pak ê sim-siann
照著伊的窗
tsiò tio̍h i ê thang
講予伊知影
kóng hōo i tsai-iánn
風中的思念
hong-tiong ê su-liām
伊盤山會過嶺
i puânn-suann ē kuè-niá
夢中目箍紅
bāng-tiong ba̍k-khoo âng
是想你的心疼
sī siūnn lí ê sim-thiànn
風中想著阮的思念
hong-tiong siūnn-tio̍h gún ê su-liām
想著一聲一聲阮的命
siūnn-tio̍h tsi̍t-siann-tsi̍t-siann gún ê miā
毋通來煞
m̄-thang lâi suah
毋通來放
m̄-thang lâi pàng
咱行過的美夢
lán kiânn–kuè ê bí-bāng
風中想對你的思念
hong-tiong siūnn tuì lí ê su-liām
想著一聲一聲是疼痛
siūnn-tio̍h tsi̍t-siann-tsi̍t-siann sī thiànn-thàng
所有願望
sóo-ū guān-bāng
毋通來放
m̄-thang lâi pàng
等待一場痴情夢
tán-thāi tsi̍t-tiûnn tshi-tsîng bāng
