靈魂也孤單
《靈魂也孤單》Lîng-hûn Iā Koo-tuann
孫淑媚Sun Siok-bī
——————————————
孤單的靈魂
koo-tuann ê lîng-hûn
揣無你我的情份
tshuē bô lí guá ê tsîng-hūn
是你辜負我的心
sī lí koo-hū guá ê sim
傷害已造成
siong-hāi í tsō-sîng
冷冷冰冰
líng-líng ping-ping
你予我心酸
lí hōo guá sim sng
無奈緣份是啥人怨恨
bô-nāi iân-hūn sī siánn-lâng uàn-hūn
付出的真心
hù-tshut ê tsin-sim
你敢知認真
lí kám tsai jīn-tsin
是你放蕩的心
sī lí hòng-tōng ê sim
愛著自由的人生
ài-tio̍h tsū-iû ê jîn-sing
是我愛你遮深
sī guá ài lí tsiah tshim
放袂開感情
pàng buē khui kám-tsîng
冷冷靜靜
líng-líng-tsīng-tsīng
我毋願相信
guá m̄-guān siong-sìn
空心的愛
khang-sim ê ài
已經變絕情
í-king piàn tsua̍t-tsîng
是我太頂真
sī guá thài tíng-tsin
一直為你戇戇來犧牲
it-ti̍t uī lí gōng-gōng lâi hi-sing
咱兩人感情
lán nn̄g-lâng kám-tsîng
已經是絕症的開始
í-king sī tsua̍t-tsìng ê khai-sí
一步一步
tsi̍t-pōo-tsi̍t-pōo
行到絕望的身邊
kiânn kàu tsua̍t-bōng ê sin-pinn
有偌濟時間予咱閣見面
ū guā-tsē sî-kan hōo lán koh kìnn-bīn
一个笑容
tsi̍t-ê tshiò-iông
勝過所有病情
sìng-kuè sóo-ū pēnn-tsîng
咱兩人感情
lán nn̄g-lâng kám-tsîng
親像是命運來決定
tshin-tshiūnn sī miā-ūn lâi kuat-tīng
行袂開的心
kiânn buē khui ê sim
註定後世人來還
tsù-tiānn āu-sì-lâng lâi hîng
唯一的幸福
uî-it ê hīng-hok
永遠放袂記
íng-uán pàng buē-kì
愛著你
ài-tio̍h lí
是我一生的不幸
sī guá it-sing ê put-hīng
