輕鬆舞曲
《輕鬆舞曲》Khin-sang Bú-khik
徐紫淇Tshî Tsí-kî
——————————————
來一段音樂聲
lâi tsi̍t-tuānn im-ga̍k-siann
心跳佮伊四界行
sim-thiàu kah i sì-kè kiânn
跤步毋知按怎踏
kha-pōo m̄-tsai án-tsuánn ta̍h
綴著Tempo自然徙
tuè tio̍h Tempo tsū-jiân suá
看閃爍的光線
khuànn siám-sih ê kng-suànn
牽著心愛的舞伴
khan tio̍h sim-ài ê bú-phuānn
享受輕鬆的歌聲
hiáng-siū khin-sang ê kua-siann
齷齪的心事
ak-tsak ê sim-sū
先囥佇塗跤
sing khǹg tī thôo-kha
你進一步
lí tsìn tsi̍t-pōo
我退一步
guá thè tsi̍t-pōo
輕鬆舞曲真好聽
khin-sang bú-khik tsin hó-thiann
手共比落
tshiú kā pí–lueh
身軀踅過
sin-khu se̍h–kuè
Pose出來才輸贏
Pose tshut–lâi tsiah su-iânn
舞池相閃的人影
bú-tî sio-siám ê lâng-iánn
毋免互相來留名
m̄-bián hōo-siong lâi lâu miâ
今夜快樂共跳予煞
kim-iā khuài-lo̍k kā thiàu hōo suah
杯中的酒
pue-tiong ê tsiú
來啉予焦
lâi lim hōo ta
