路
《路》Lōo
徐紫淇Tshî Tsí-kî
——————————————
人生這條路啊
jîn-sing tsit tiâu lōo–ah
總是坎坷路歹行
tsóng-sī khám-khia̍t lōo pháinn-kiânn
盤過一山閣一山
puânn kuè tsi̍t-suann koh tsi̍t-suann
才有平順路通行
tsiah ū pîng-sūn lōo thang kiânn
運命是天註定
ūn-miā sī thinn tsù-tiānn
行來意志掠予定
kiânn lâi ì-tsì lia̍h hōo tīng
越過頭去斟酌看
ua̍t-kuè thâu khì tsim-tsiok khuànn
閃過風險才著驚
siám-kuè hong-hiám tsiah tio̍h-kiann
路是愈行愈輕鬆
lōo sī jú kiânn jú khin-sang
心是愈磨愈袂疼
sim sī jú buâ jú buē thiànn
經過冰霜的風寒
king-kuè ping-song ê hong-kuânn
才有冬去春來的溫暖
tsiah ū tang khì tshun lâi ê un-luán
路是愈行愈開闊
lōo sī jú kiânn jú khui-khuah
汗是愈流愈快活
kuānn sī jú lâu jú khuìnn-ua̍h
行過天邊佮海角
kiânn kuè thinn-pinn kah hái-kak
才會有滿腹的好才華
tsiah ē ū muá-pak ê hó tsâi-huâ
—
行過天邊佮海角
kiânn kuè thinn-pinn kah hái-kak
才會有滿腹的好才華
tsiah ē ū muá-pak ê hó tsâi-huâ
