行行出狀元
《行行出狀元》Hâng-hâng Tshut Tsiōng-guân
徐紫淇 Tshî Tsí-kî
——————————————
一箍遛遛
tsi̍t khoo liù-liù
毋知走佗位去
m̄-tsai tsáu tó-uī khì
生活全然無滋味
sing-ua̍h tsuân-jiân bô tsu-bī
序大問我
sī-tuā mn̄g guá
將來怎過日子
tsiong-lâi tsuánn kuè ji̍t-tsí
其實我攏無準備
kî-si̍t guá lóng bô tsún-pī
我講的話
guá kóng ê uē
完全無人了解
uân-tsuân bô-lâng liáu-kái
只有家己才會知
tsí-ū ka-tī tsiah-ē tsai
毋是貧惰
m̄-sī pîn-tuānn
只是機會猶未來
tsí-sī ki-huē iáu-buē lâi
總有一工
tsóng ū tsi̍t kang
你會為我感覺光彩
lí ē uī guá kám-kak kong-tshái
我相信行行出狀元
guá siong-sìn hâng-hâng tshut tsiōng-guân
每一个人攏會有伊的所在
muí tsi̍t-ê lâng lóng ē ū i ê sóo-tsāi
毋管會面對啥物困難
m̄-kuán ē bīn-tuì siánn-mih khùn-lân
只要有心攏會變簡單
tsí-iàu ū-sim lóng ē piàn kán-tan
人咧講行行出狀元
lâng leh kóng hâng-hâng tshut tsiōng-guân
每一片天
muí it-phìnn thinn
攏會有一个世界
lóng ē ū tsi̍t-ê sè-kài
毋管天崩抑是拄風颱
m̄-kuán thinn pang iah-sī tú hong-thai
只要拍拚
tsí-iàu phah-piànn
就會創造未來
tiō ē tshòng-tsō bī-lâi
