美麗人生
《美麗人生》Bí-lē Jîn-sing
孫淑媚Sun Siok-bī
——————————————
雲彩的笑容
hûn-tshái ê tshiò-iông
向阮招呼
hiòng gún tsio-hoo
鋪滿色彩的城市
phoo muá sik-tshái ê siânn-tshī
鳥隻也啼
tsiáu-tsiah iā thî
認真過每一日
jīn-tsin kuè muí tsi̍t-ji̍t
心付出愈堅定
sim hù-tshut jú kian-tīng
阮用阮雙手獻出的關懷
gún iōng gún siang-tshiú hiàn-tshut ê kuan-huâi
將愛傳達每一个所在
tsiong ài thuân-ta̍t muí tsi̍t-ê sóo-tsāi
人生的美麗
jîn-sing ê bí-lē
栽培阮心內彼蕊紅花
tsai-puê gún sim-lāi hit luí âng-hue
豐富的芳味
hong-hù ê phang-bī
散佇溫暖的社會
suànn tī un-luán ê siā-huē
人生的美麗
jîn-sing ê bí-lē
譜出一段難忘的體會
phóo tshut tsi̍t-tuānn lân-bōng ê thé-huē
阮用心踏一片地
gún iōng-sim ta̍h tsi̍t-phìnn tē
珍惜每一个經過
tin-sioh muí tsi̍t-ê king-kuè
感謝天予阮所有的一切
kám-siā thinn hōo gún sóo-ū ê it-tshè
