男人的歌
《男人的歌》Lâm-jin ê Kua
徐嘉良Tshî Ka-liông
——————————————
今夜是無星的夜
kim-iā sī bô tshinn ê iā
街仔路攏無人影
ke-á-lōo lóng bô lâng-iánn
風雨是鑽入心肝
hong-hōo sī tsǹg-ji̍p sim-kuann
野狗也無踮路咧行
iá-káu iā bô tiàm lōo teh kiânn
我只有一支吉他
guá tsí-ū tsi̍t-ki gì-tah
彈奏出悲傷的聲
tuânn-tsàu tshut pi-siong ê siann
目睭是金金咧看
ba̍k-tsiu sī kim-kim teh khuànn
看你揣你的烏狗兄
khuànn lí tshuē lí ê oo-káu-hiann
我唱出男人的歌
guá tshiùnn-tshut lâm-jîn ê kua
每一句攏是孤單
muí tsi̍t-kù lóng-sī koo-tuann
毋管是啥物咒誓
m̄-kuán sī siánn-mih tsiù-tsuā
到最後
kàu tsuè-āu
猶原是無較縒
iu-guân sī bô-khah-tsua̍h
我唱出我的心聲
guá tshiùnn-tshut guá ê sim-siann
毋是愛怨嘆運命
m̄-sī ài uàn-thàn ūn-miā
孤鳥無樹枝通徛
koo-tsiáu bô tshiū-ki thang khiā
現實就是隨人顧性命
hiān-si̍t tiō-sī suî lâng kòo sìnn-miā
喔~查埔人的歌
ooh~ tsa-poo-lâng ê kua
