無聲的情歌
《無聲的情歌》Bô-siann ê Tsîng-kua
孫淑媚Sun Siok-bī
——————————————
無意中
bô-ì-tiong
想起你形影
siūnn-khí lí hîng-iánn
換來規暝的心疼
uānn lâi kui-mî ê sim thiànn
昔日的海岸
sik-ji̍t ê hái-huānn
合唱的歌聲
ha̍p-tshiùnn ê kua-siann
如今變調唱無聲
jû-kim piàn-tiāu tshiùnn bô-siann
隨人行
suî lâng kiânn
無心來叫出你的名
bô-sim lâi kiò tshut lí ê miâ
感覺著錯誤的心驚
kám-kak tio̍h tshò-gōo ê sim-kiann
暗暗夜路家己行
àm-àm iā-lōo ka-kī kiânn
大聲唱歌無人聽
tuā-siann tshiùnn-kua bô-lâng thiann
愛毋著人受拖磨
ài m̄-tio̍h lâng siū thua-buâ
是註定
sī tsù-tiānn
啊~欲唱情歌無人伴
ah~ beh tshiùnn tsîng-kua bô-lâng phuānn
欲行情路是孤單
beh kiânn tsîng-lōo sī koo-tuann
為何變卦袂當牽手行
uī-hô piàn-kuà buē-tàng khan-tshiú kiânn
心內風雨已無名
sim-lāi hong-hōo í bô miâ
啊~唱歌的人賰一半
ah~ tshiùnn-kua ê lâng tshun tsi̍t-puànn
失去的愛無地扞
sit-khì ê ài bô-tè huānn
無情無愛
bô-tsîng bô-ài
無你做陣行
bô lí tsuè-tīn kiânn
無聲的情歌
bô-siann ê tsîng-kua
