無情風無情雨
《無情風無情雨》Bô-tsîng Hong Bô-tsîng Hōo
孫淑媚 Sun Siok-bī
——————————————
無情雨將阮一生
bô-tsîng hōo tsiong gún it-sing
淋甲心已經變形
lâm kah sim í-king piàn-hîng
彼段未了情
hit tuānn bī liáu tsîng
敢是錯誤造成
kám-sī tshò-gōo tsō-sîng
無情風將阮一生
bô-tsîng hong tsiong gún it-sing
帶入烏暗的紅塵
tuà ji̍p oo-àm ê hông-tîn
感情路途
kám-tsîng lōo-tôo
已經看袂清
í-king khuànn buē tshing
啊~愛你愛你的心
ah~ ài lí ài lí ê sim
毋知欲按怎才會停
m̄-tsai beh án-tsuánn tsiah-ē thîng
情話講遮明
tsîng-uē kóng tsiah bîng
心事猶原一重重
sim-sū iu-guân tsi̍t-tîng-tîng
啊~愛你愛你的心
ah~ ài lí ài lí ê sim
欲到何時
beh kàu hô-sî
疼才會停
thiànn tsiah-ē thîng
當初的證明
tong-tshoo ê tsìng-bîng
事到如今
sū kàu jû-kim
原來是白白無閒
guân-lâi sī pe̍h-pe̍h bô-îng
