無小心愛著你
《無小心愛著你》Bô Sió-sim Ài-tio̍h Lí
孫淑媚Sun Siok-bī
——————————————
欲按怎做
beh án-tsuánn tsuè
按怎做
án-tsuánn tsuè
才會當予你感覺歡喜
tsiah ē-tàng hōo lí kám-kak huann-hí
你簡單一句話
lí kán-tan tsi̍t-kù uē
阮會來疼規暝
gún ē lâi thiànn kui-mê
欲按怎過
beh án-tsuánn kuè
按怎過
án-tsuánn kuè
才會當度過無你的日子
tsiah ē-tàng tōo-kuè bô lí ê ji̍t-tsí
愛已經變成這款
ài í-king piàn-sîng tsit khuán
哪有意義
ná-ū ì-gī
怎樣你的心肝遐爾硬
tsuánn-iūnn lí ê sim-kuann hiah-nī ngē
全然毋顧阮心內的體會
tsuân-jiân m̄-kòo gún sim-lāi ê thé-huē
感情是女人的一切
kám-tsîng sī lú-jîn ê it-tshè
袂當付出難收回
buē-tàng hù-tshut lân siu-huê
哪會遮無小心愛著你
ná ē tsiah bô-sió-sim ài-tio̍h lí
阮的人生痛苦的開始
gún ê jîn-sing thòng-khóo ê khai-sí
只有寂寞摻珠淚
tsí-ū tsi̍k-bo̍k tsham tsu-luī
伴阮規暝
phuānn gún kui-mê
袂赴通後悔
buē-hù thang hiō-hué
