無伴
《無伴》Bô-phuānn
孫淑媚Sun Siok-bī
——————————————
今夜的心情亂紛紛
kim-iā ê sim-tsîng luān hun-hun
等你的電話到天光
tán lí ê tiān-uē kàu thinn kng
想欲講一句愛你
siūnn-beh kóng tsi̍t-kù ài lí
已經是夢醒的時陣
í-king sī bāng-tshínn ê sî-tsūn
阮的心無人來停睏
gún ê sim bô-lâng lâi thîng-khùn
請問你愛我
tshiánn-mn̄g lí ài guá
有幾分
ū kuí hun
所講的永遠
sóo kóng ê íng-uán
有偌長
ū guā tn̂g
秋風的輕聲細語
tshiu-hong ê khin-siann sè-gí
當做你對阮的溫存
tòng-tsuè lí tuì gún ê un-tsûn
甘願用思念
kam-guān iōng su-liām
換青春
uānn tshing-tshun
身邊無人來做伴
sin-pinn bô-lâng lâi tsuè-phuānn
月娘啊
gue̍h-niû–ah
請你越頭看
tshiánn lí ua̍t-thâu khuànn
將阮思念伊的心
tsiong gún su-liām i ê sim
偷偷來講予伊知影
thau-thau lâi kóng hōo i tsai-iánn
身邊無人來做伴
sin-pinn bô-lâng lâi tsuè-phuānn
你敢有想欲越頭看
lí kám ū siūnn-beh ua̍t-thâu khuànn
心若是無人來疼
sim nā-sī bô-lâng lâi thiànn
袂當行相倚
buē-tàng kiânn sio-uá
甘願一世人無伴
kam-guān tsi̍t-sì-lâng bô-phuānn
