流星
《流星》Liû-tshinn
徐承邦 Tshî Sîng-pang
——————————————
毋知啥人
m̄-tsai siánn-lâng
坎著阮的目睭
khám tio̍h gún ê ba̍k-tsiu
欲予我用心感受
beh hōo guá iōng-sim kám-siū
走揣這个繁華的世界
tsáu-tshuē tsit-ê huân-huâ ê sè-kài
性命有無仝款的模樣
sìnn-miā ū bô kāng-khuán ê bôo-iūnn
雖然叫人
sui-jiân kiò lâng
真正袂當理解
tsin-tsiànn buē-tàng lí-kái
天公伯仔的安排
Thinn-kong-peh–á ê an-pâi
我也猶原相信
guá iā iu-guân siong-sìn
總有一工
tsóng ū tsi̍t-kang
我會出頭天
guá ē tshut-thâu-thinn
親像流星啊流星
tshin-tshiūnn liû-tshinn–ah liû-tshinn
毋知流對佗位去
m̄-tsai lâu tuì tó-uī–khì
若是有一工會看見
nā-sī ū tsi̍t-kang ē khuànn-kìnn
閣是啥款的人生
koh sī siánn-khuán ê jîn-sing
親像流星啊流星
tshin-tshiūnn liû-tshinn–ah liû-tshinn
若無暗暝哪會媠
nā-bô àm-mî ná ē suí
身邊的人來來去去
sin-pinn ê lâng lâi-lâi-khì-khì
感謝你捌為我停止
kám-siā lí bat uī guá thîng-tsí
