毋敢照鏡
《毋敢照鏡》M̄-kánn Tsiò-kiànn
孫淑媚Sun Siok-bī
——————————————
拍結的頭鬃
phah-kat ê thâu-tsang
落漆的指甲
lak-tshat ê tsíng-kah
會當閣來共捋鬆
ē-tàng koh lâi kā lua̍h sang
會當閣漆紅
ē-tàng koh tshat âng
愛情破的空
ài-tsîng phuà ê khang
欲補敢補會峇
beh póo kám póo ē bā
若像我醉生夢死
ná-tshiūnn guá tsuì-sing bāng-sí
毋敢來照鏡
m̄-kánn lâi tsiò-kiànn
度一暝幾若冬
tōo tsi̍t-mî kuí-lō tang
幾若場惡夢
kuí-lō tiûnn ok-bāng
怨恨討厭窗外的車聲
uàn-hūn thó-ià thang-guā ê tshia siann
想一逝幾若針
siūnn tsi̍t-tsuā kuí-lō tsiam
針對心肝揻
tsiam tuì sim-kuann ui
掛烏輪的目箍
kuà oo lián ê ba̍k-khoo
毋敢來照鏡
m̄-kánn lâi tsiò-kiànn
