月光
《月光》Gue̍h-kng
孫淑媚 Sun Siok-bī
——————————————
窗外月娘漸漸光
thang-guā gue̍h-niû tsiām-tsiām kng
照著阮的小眠床
tsiò tio̍h gún ê sió bîn-tshn̂g
孤單的窗門
koo-tuann ê thang-mn̂g
伴阮度過青春
phuānn gún tōo-kuè tshing-tshun
心內的事啥人問
sim-lāi ê sū siánn-lâng mn̄g
目睭微微漸漸酸
ba̍k-tsiu bui-bui tsiām-tsiām sng
心愛的伊漸漸遠
sim-ài ê i tsiām-tsiām hn̄g
目屎慢慢流落在阮的喙脣
ba̍k-sái bān-bān lâu lo̍h tsāi gún ê tshuì-tûn
原來愛是遮鹹酸
guân-lâi ài sī tsiah kiâm-sng
敢是阮落塗時陣的命運
kám-sī gún lo̍h-thôo sî-tsūn ê miā-ūn
看人幸福快樂
khuànn-lâng hīng-hok khuài-lo̍k
阮煞會怨恨
gún suah ē uàn-hūn
想起著過去
siūnn-khí tio̍h kuè-khì
種種的情份
tsióng-tsióng ê tsîng-hūn
問天星
mn̄g thinn-tshinn
幸福當時會著阮
hīng-hok tang-sî ē tio̍h gún
天頂的月光
thinn-tíng ê gue̍h-kng
請你帶走憂悶
tshiánn lí tài tsáu iu-būn
保庇阮有好緣份
pó-pì gún ū hó iân-hūn
