揣無人仝跤步
《揣無人仝跤步》Tshuē-bô Lâng Kāng Kha-pōo
孫淑媚Sun Siok-bī
——————————————
這段感情已經過去
tsit tuānn kám-tsîng í-king kuè–khì
想你也是無彩工
siūnn lí iā-sī bô-tshái-kang
花開無花芳
hue khui bô hue-phang
傷心一世人
siong-sim tsi̍t-sì-lâng
生活變無味
sing-ua̍h piàn bô-bī
一切毋是阮願意
it-tshè m̄-sī gún guān-ì
為你失去青春
uī lí sit-khì tshing-tshun
失去了春天
sit-khì liáu tshun-thinn
這段感情
tsit tuānn kám-tsîng
算我欠你
sǹg guá khiàm lí
若來想著
nā lâi siūnn tio̍h
心傷悲
sim siong-pi
過去遮濟年
kuè-khì tsiah tsuē nî
欲講等何時
beh kóng tán hô-sî
生活變無味
sing-ua̍h piàn bô-bī
一切毋是阮願意
it-tshè m̄-sī gún guān-ì
為你失去青春
uī lí sit-khì tshing-tshun
失去了春天
sit-khì liáu tshun-thinn
希望放袂記你的人
hi-bāng pàng-buē-kì lí ê lâng
美夢變成空
bí-bāng piàn-sîng khang
無奈為愛心茫茫
bô-nāi uī ài sim bâng-bâng
仝款孤單的路途
kāng-khuán koo-tuann ê lōo-tôo
偏偏揣無人仝跤步
phian-phian tshuē-bô lâng kāng kha-pōo
陪著滿腹的心酸無地藏
puê tio̍h muá-pak ê sim-sng bô-tè tshàng
只有艱苦阮一人
tsí-ū kan-khóo gún tsi̍t-lâng
仝款孤單的路途
kāng-khuán koo-tuann ê lōo-tôo
可憐家己揣無路
khó-liân ka-kī tshuē-bô lōo
只好陪著寂寞的暗暝
tsí-hó puê tio̍h tsi̍k-bo̍k ê àm-mî
陪著傷心的雨
puê tio̍h siong-sim ê hōo
