你幸福阮就快樂
《你幸福阮就快樂》Lí Hīng-hok Gún Tō Khuài-lo̍k
孫淑媚Sun Siok-bī
——————————————
過去你溫暖阮的夢
kuè-khì lí un-luán gún ê bāng
陪阮過秋冬
puê gún kuè tshiu-tang
如今感情已漸漸薄
jû-kim kám-tsîng í tsiām-tsiām po̍h
變成生份的人
piàn-sîng tshinn-hūn ê lâng
明知有緣無份的結局袂圓滿
bîng-tsai ū iân bô hūn ê kiat-kio̍k buē uân-buán
無怨無望一場空
bô uàn bô bāng tsi̍t-tiûnn khang
懷念你予阮的一切
huâi-liām lí hōo gún ê it-tshè
叫阮怎樣放
kiò gún tsuánn-iūnn pàng
今生選擇愛你一人
kim-sing suán-ti̍k ài lí tsi̍t-lâng
一生攏無遺憾
it-sing lóng bô uî-hām
雖然美麗往事
sui-jiân bí-lē óng-sū
只是暫時安慰我
tsí-sī tsiām-sî an-uì guá
阮只要你
gún tsí-iàu lí
過好生活向前行
kuè hó sing-ua̍h hiòng-tsiân kiânn
你若幸福
lí nā hīng-hok
阮就快樂
gún tiō khuài-lo̍k
真心祝福
tsin-sim tsiok-hok
有好前途
ū hó tsiân-tôo
願天地為你鋪路
guān thinn-tē uī lí phoo-lōo
感情路有人照顧
kám-tsîng lōo ū-lâng tsiàu-kòo
你若幸福
lí nā hīng-hok
阮就快樂
gún tiō khuài-lo̍k
有好姻緣
ū hó in-iân
我心滿足
guá sim buán-tsiok
感謝有你的當初
kám-siā ū lí ê tong-tshoo
人生的路途
jîn-sing ê lōo-tôo
有啥通怨妒
ū siánn thang uàn-tòo
