你予我的希望
https://www.youtube.com/watch?v=DNQ3cp6dF-8
《你予我的希望》Lí Hōo Guá ê Hi-bāng
孫淑媚Sun Siok-bī
——————————————
掀開心內的窗
hian-khui sim-lāi ê thang
換另外一種心情
uānn līng-guā tsi̍t-tsióng sim-tsîng
來看這个繁華世間
lâi khuànn tsit ê huân-huâ sè-kan
無需要怨天怨地
bô su-iàu uàn thinn uàn tē
又怨自己
iū uàn tsū-kí
未來的人生路途
bī-lâi ê jîn-sing lōo-tôo
袂遮歹行
buē tsiah pháinn-kiânn
攑頭看路燈閃爍
gia̍h-thâu khuànn lōo-ting siám-sih
冷風嘛一陣陣吹起
líng-hong mā tsi̍t-tsūn-tsūn tshue khí
親像佇咧思念春天
tshin-tshiūnn tī-leh su-liām tshun-thinn
往事一幕幕過去
óng-sū tsi̍t-bōo-bōo kuè–khì
有鹹酸佮苦甜
ū kiâm-sng kah khóo-tinn
疼惜著咱的悲傷佮歡喜
thiànn-sioh tio̍h lán ê pi-siong kah huann-hí
雖然到現在
sui-jiân kàu hiān-tsāi
我需要來面對著生活
guá su-iàu lâi bīn-tuì tio̍h sing-ua̍h
無人會當來做伴
bô-lâng ē-tàng lâi tsuè-phuānn
因為踮心內
in-uī tiàm sim-lāi
滿滿是你予我的希望
muá-muá sī lí hōo guá ê hi-bāng
等待著咱的將來
tán-thāi tio̍h lán ê tsiong-lâi
