人生的探戈
《人生的探戈》Jîn-sing ê Thàn-gòo
孫淑媚Sun Siok-bī
——————————————
想一段往事
siūnn tsi̍t-tuānn óng-sū
乾一杯過去
kan tsi̍t-pue kuè-khì
經過三五年
king-kuè sann-gōo nî
較想也是你
khah siūnn iā sī lí
當時的山盟海誓
tong-sî ê san-bîng-hái-sè
走去佗位
tsáu-khì tó-uī
如今只有思念兩字
jû-kim tsí-ū su-liām nn̄g-jī
明知愛一个人需要勇氣
bîng-tsai ài tsi̍t-ê lâng su-iàu ióng-khì
偏偏阮愛的結局是分離
phian-phian gún ài ê kiat-kio̍k sī hun-lī
上懷念咱愛聽的彼首歌曲
siōng huâi-liām lán ài thiann ê hit siú kua-khik
深深在心內轉袂停
tshim-tshim tsāi sim-lāi tsuán buē thîng
簡單舞步
kán-tan bú-pōo
幾杯醉意
kuí pue tsuì-ì
懷念當初相逢時
huâi-liām tong-tshoo siong-hông sî
事到如今
sū kàu jû-kim
只賰寂寞
tsí tshun tsi̍k-bo̍k
失去的換來難捨的苦
sit-khì–ê uānn lâi lân-siá ê khóo
感情的路途若是像探戈
kám-tsîng ê lōo-tôo ná-sī tshiūnn thàn-gòo
阮會小心踏每一个跤步
gún ē sió-sim ta̍h muí tsi̍t-ê kha-pōo
幸福的背後偌濟千辛萬苦
hīng-hok ê puē-āu guā-tsuē tshian-sin-bān-khóo
過去阮愛過已經覺悟
kuè-khì gún ài kuè í-king kak-ngōo
人生的探戈一步換一步
jîn-sing ê thàn-gòo tsi̍t-pōo uānn tsi̍t-pōo
難免有憂愁有時也快樂
lân-bián ū iu-tshiû ū-sî iā khuài-lo̍k
珍惜每一首咱跳過舞步
tin-sioh muí tsi̍t-siú lán thiàu kuè bú-pōo
每一分一秒攏是感動
muí tsi̍t-hun tsi̍t-bió lóng-sī kám-tōng
