一步一錯
《一步一錯》Tsi̍t-pōo Tsi̍t-tshò
孫淑媚Sun Siok-bī
——————————————
毋敢看你
m̄-kánn khuànn lí
彼對絕情的目睭
hit tuì tsua̍t-tsîng ê ba̍k-tsiu
眼中有的
gán-tiong ū ê
只是虛偽的溫柔
tsí-sī hi-guī ê un-jiû
將愛你當做
tsiong ài lí tòng-tsuè
是阮最後的憂愁
sī gún tsuè-āu ê iu-tshiû
為何換來
uī-hô uānn lâi
這款無奈的下場
tsit khuán bô-nāi ê hā-tiûnn
付出的情
hù-tshut ê tsîng
叫阮怎樣來回收
kiò gún tsuánn-iūnn lâi huê-siu
問你敢捌
mn̄g lí kám bat
用過真心替阮想
iōng kuè tsin-sim thè gún siūnn
無情的寂寞親像
bô-tsîng ê tsi̍k-bo̍k tshin-tshiūnn
鐵拍的圍牆
thih phah ê uî-tshiûnn
面對感情
bīn-tuì kám-tsîng
阮永遠毋是你的對手
gún íng-uán m̄-sī lí ê tuì-tshiú
一步一錯的感情路
tsi̍t-pōo tsi̍t-tshò ê kám-tsîng lōo
面前毋是風就是雨
bīn-tsîng m̄-sī hong tiō-sī hōo
這款清清楚楚的痛苦
tsit khuán tshing-tshing-tshó-tshó ê thòng-khóo
敢講就是你所講的幸福
kám-kóng tiō-sī lí sóo kóng ê hīng-hok
一步一錯的感情路
tsi̍t-pōo tsi̍t-tshò ê kám-tsîng lōo
面前毋是風就是雨
bīn-tsîng m̄-sī hong tiō-sī hōo
日思夜夢
ji̍t-su iā-bāng
無奈的寂寞
bô-nāi ê tsi̍k-bo̍k
欲到何時才會結束
beh kàu hô-sî tsiah ē kiat-sok
