一工一萬年
《一工一萬年》Tsi̍t-kang Tsi̍t-bān Nî
孫淑媚Sun Siok-bī
——————————————
冷冷的落雨暝
líng-líng ê lo̍h-hōo mî
落著綿綿的相思
lo̍h tio̍h mî-mî ê siunn-si
暗淡的路燈
àm-tām ê lōo-ting
伴著阮一暝的稀微
phuānn tio̍h gún tsi̍t-mî ê hi-bî
想起後悔的愛
siūnn-khí hiō-hué ê ài
傷痕已造成
siong-hûn í tsō-sîng
這段情
tsit tuānn tsîng
枉費我一切的犧牲
óng-huì guá it-tshè ê hi-sing
啊~悲傷的世界
ah~ pi-siong ê sè-kài
賰我一个人
tshun guá tsi̍t-ê-lâng
想著你的無情
siūnn-tio̍h lí ê bô-tsîng
心疼像刀割心肝
sim thiànn tshiūnn to kuah sim-kuann
啊~你我的戀情
ah~ lí guá ê luân-tsîng
已經是無望
í-king sī bô-bāng
憂愁的燒酒
iu-tshiû ê sio-tsiú
怎樣啉袂茫
tsuánn-iūnn lim buē bâng
只為你一人
tsí uī lí tsi̍t-lâng
我問著閃閃爍爍的天星
guá mn̄g tio̍h siám-siám-sih-sih ê thinn-tshinn
心疼一工一萬年
sim thiànn tsi̍t-kang tsi̍t-bān nî
為何對你
uī-hô tuì lí
猶原依依難捨
iu-guân i-i lân-siá
傷心到何時
siong-sim kàu hô-sî
用著燒酒度一暝
iōng-tio̍h sio-tsiú tōo tsi̍t-mî
燒酒一杯薰一枝
sio-tsiú tsi̍t-pue hun tsi̍t-ki
明知影你的心肝親像鐵
bîng tsai-iánn lí ê sim-kuann tshin-tshiūnn thih
全世界
tsuân sè-kài
只有我無看見
tsí-ū guá bô khuànn-kìnn
—
為著你
uī-tio̍h lí
茫茫過日子
bâng-bâng kuè ji̍t-tsí
我的疼
guá ê thiànn
一工一萬年
tsi̍t-kang tsi̍t-bān nî
