一个人愛過一个人
《一个人愛過一个人》Tsi̍t-ê Lâng Ài Kuè Tsi̍t-ê Lâng
孫淑媚Sun Siok-bī
——————————————
風摸著阮長長的頭毛
hong bong tio̍h gún tn̂g-tn̂g ê thâu-mn̂g
親像你的手遐爾溫柔
tshin-tshiūnn lí ê tshiú hiah-nī un-jiû
離開阮有偌久
lī-khui gún ū guā kú
這馬的你啥物模樣
tsit-má ê lí siánn-mih bôo-iūnn
你的愛
lí ê ài
我毋敢閣再想
guá m̄-kánn koh-tsài siūnn
雨唚著阮澹澹的目睭
hōo tsim tio̍h gún tâm-tâm ê ba̍k-tsiu
親像你喙脣遐爾溫柔
tshin-tshiūnn lí tshuì-tûn hiah-nī un-jiû
目屎愛流偌久
ba̍k-sái ài lâu guā kú
才會解脫阮的憂愁
tsiah ē kái-thuat gún ê iu-tshiû
已經愛著
í-king ài–tio̍h
我毋免理由
guá m̄-bián lí-iû
你哪會當
lí ná ē-tàng
一个人愛過一个人
tsi̍t-ê lâng ài kuè tsi̍t-ê lâng
愛的心肝攏相仝
ài ê sim-kuann lóng sio-kāng
你毋驚多情
lí m̄-kiann to-tsîng
會傷阮偌重
ē siong gún guā tāng
就放阮一个人
tiō pàng gún tsi̍t-ê-lâng
我哪會堪
guá ná ē-kham
一場夢
tsi̍t-tiûnn bāng
變成一場空
piàn-sîng tsi̍t-tiûnn khang
家己唱傷心的歌
ka-kī tshiùnn siong-sim ê kua
我毋驚孤單
guá m̄-kiann koo-tuann
只要你越頭
tsí-iàu lí ua̍t-thâu
我猶原為著你踮佇遮
guá iu-guân uī-tio̍h lí tiàm tī tsia
