雨夜花
《雨夜花》Ú-iā Hue
作曲：鄧雨賢Tīng Ú-hiân
作詞：周添旺Tsiu Thiam-ōng
原唱：純純 Sûn-sûn (本名：劉清香Lâu Tshing-hiong, 1914-1943)
——————————-
雨夜花雨夜花
ú-iā hue ú-iā hue
受風雨吹落地
siū hong-ú tshue lo̍h tuē
無人看見暝日怨慼
bô-lâng khuànn-kìnn mî-ji̍t uàn-tshueh
花謝落塗不再回
hue siā lo̍h-thôo put-tsài huê
花落塗花落塗
hue lo̍h-thôo hue lo̍h-thôo
有啥人通看顧
ū siánn-lâng thang khuànn-kòo
無情風雨誤阮前途
bô-tsîng hong-hōo gōo gún tsiân-tôo
花蕊若落欲如何
hue-luí nā lo̍h bueh jî-hôo
雨無情雨無情
ú bô-tsîng ú bô-tsîng
無想阮的前程
bô siūnn gún ê tsiân-thîng
並無看顧軟弱心性
pīng bô khuànn-kòo luán-jio̍k sim-sìng
予阮前途失光明
hōo gún tsiân-tôo sit kong-bîng
雨水滴雨水滴
hōo-tsuí tih hōo-tsuí tih
引阮入受難池
ín gún ji̍p siū-lān tî
怎樣予阮離葉離枝
tsuánn-iūnn hōo gún lî hio̍h lî ki
永遠無人通看見
íng-uán bô-lâng thang khuànn-kìnn
