跳舞時代
《跳舞時代》Thiàu-bú Sî-tāi (1933年)
純純 Sûn-sûn (劉清香Lau Tshing-hiong)
——————————————
阮是文明女
gún sī bûn-bîng-lí
東西南北自由志
tang-sai-lâm-pak tsū-iû tsì
逍遙佮自在
siau-iâu kah tsū-tsāi
世事怎樣阮毋知
sè-sū tsánn-iūnn gún m̄-tsai
阮只知文明時代
gún tsí tsai bûn-bîng sî-tāi
社交愛公開
siā-kau ài kong-khai
男女雙雙
lâm-lú sang-sang
排做一排
pâi tsò tsi̍t-pâi
跳torotto(トロット←foxtrot)
thiàu too-lóo-tooh
我上蓋愛
guá siōng-kài ài
舊慣是怎樣
kū-kuàn sī tsánn-iūnn
新慣到底是啥款
sin-kuàn tàu-té sī siánn-khuán
阮全然毋管
gún tsuân-jiân m̄-kuán
阮只知影自由花
gún tsí tsai-iánn tsū-iû hue
定著愛結自由果
tiānn-tio̍h ài kiat tsū-iû kó
將來好毋好
tsiong-lâi hó m̄-hó
含含糊糊
hâm-hâm-hôo-hôo
無煩無惱
bô huân bô ló
跳torotto(トロット←foxtrot)
thiàu too-lóo-tooh
我想上好
guá siūnn siōng-hó
有人笑我呆
ū-lâng tshiò guá tai
有人講我帶痴獃
ū-lâng kóng guá tài tshi-gâi
我笑世間人
guá tshiò sè-kan-lâng
痴獃懵懂戇大呆
tshi-gâi bóng-tóng gōng-tuā-tai
毋知影及時行樂
m̄ tsai-iánn ki̍p-sî-hîng-lo̍k
逍遙佮自在
siau-iâu kah tsū-tsāi
來~~排做一排
lâi~~ pâi tsò tsi̍t-pâi
跳torotto(トロット←foxtrot)
thiàu too-lóo-tooh
我上蓋愛
guá siōng-kài ài
